دبئی (اے یو ایس)ہالینڈ میں پولیس نے منگل کے روز دو افراد کو گرفتار کرنے کا اعلان کیا ہے جو اوترخت میں میٹرو اسٹیشن کے لیے خطرہ بن رہے تھے۔
یہ پیش رفت حکام کی جانب سے اسٹیشن کو خالی کرائے جانے کے بعد سامنے آئی۔حکام نے دہشت گرد خطرے کی نوعیت کا انکشاف نہیں کیا جس کے سبب اوترخت میں مرکزی میٹرو اسٹیشن کو خالی کرایا گیا۔
پولیس نے ٹویٹر پر واضح کیا ہے کہ ایک ٹرین کے اندر مشکوک معاملہ سامنے آنے کے بعد اوترخت اسٹیشن پر ٹرینوں کی آمد و رفت روک دی گئی اور اسٹیشن کو مکمل طور پر خالی کرا لیا گیا۔ پولیس اس وقت ایک ٹرین کے اندر مشتبہ شخص کو تلاش کر رہی ہے۔
سیکورٹی ذرائع کے مطابق دو مشتبہ افراد کو گرفتار کر لیا گیا ہے۔ دونوں افراد کے ساتھ اس وقت تحقیقات جاری ہیں۔ ذرائع کا کہنا ہے کہ ٹرینوں کی آمد و رفت جلد بحال ہو جائے گی۔
تصویر سوشل میڈیا