انٹرنیشنل ڈیسک:پاکستان کے سابق وزیر اعظم نواز شریف نے کارگل جنگ سے متعلق بہت سے راز کھولے ہیں۔ نواز شریف نے اتوار کے روز دعویٰ کیا کہ کارگل جنگ کے دوران پاکستانی فوجیوں کے پاس اسلحہ تک نہیں تھا لیکن کچھ جنرلوں نے ملک کے فوجیوں کو جنگ میں جھونک دیا تھا۔بتادیں کہ کارگل جنگ کے دوران نواز شریف پاکستان کے وزیر اعظم تھے۔ شریف نے اشاروں ہی اشاروں میں اس وقت کے فوجی سربراہ پرویز مشرف پر حملہ کیا ۔ نواز شریف کے ان دعوؤں سے پاکستان میں سیاست درجہ حرارت اور بڑھ گیا ہے۔
نواز شریف کا کہنا تھا کہ کارگل جنگ میں ملک کے سینکڑوں فوجیوں کو شہید کرنے کا فیصلہ اجتماعی نہیں بلکہ محض چند جنرلوں کا تھا، جنہوں نے فوجیوں کو ایسی جنگ میں جھونک دیا جس نے نقصان کے سوا کچھ نہیں دیا۔نواز شریف نے کہا کہ میرے لئے وہ لمحہ بہت پریشانی کا باعث تھا جب مجھے بتایا گیا کہ ہمارے فوجیوں کے پاس جنگ کی چوٹیوں پر کھانے کے لئے کھانے کا ایک دانہ تک نہیں ہے۔ نواز شریف نے یہ سب کوئٹہ میں حزب اختلاف کی جماعتوں کے تیسرے سب سے بڑے حکومت مخالف اجلاس کے دوران کہا۔ پاک فوج کے سربراہ جنرل باجوہ کو نشانہ بناتے ہوئے ، نواز نے کہا کہ انہوں نے عوام کے خلاف جا کر عمران خان کو وزیر اعظم بنایا اور انہیں عوام کو اس کا جواب دینا پڑے گا۔
شریف نے کہا کہ آنے والے وقت میں تباہی اور بربادی کی چھینٹیں پاکستانی فوج پر نہ پڑیں ، اس لئے اب وہ ان تمام افراد کے نام لیںگے جو پہلے ایسے حالات پیدا کرنے کے لئے ذمہ دار ہیں۔شریف نے کہا کہ باجوہ صاحب ، آپ کو سال 2018 کے انتخابات میں ملک کی سب سے بڑی دھاندلی اور لوگوں کے مینڈیٹ کی چوری کا حساب دیانا ہوگا۔ آپ نے پاکستانی عوام کو دھوکہ دیا۔ واضح رہے کہ متاثرہ جنوب مغربی صوبہ بلوچستان کے دارالحکومت کوئٹہ میں سکیورٹی کے خطرات کے باوجود ، پاکستان کی مرکزی اپوزیشن جماعتوں نے وزیر اعظم عمران خان کو معزول کرنے کی قومی مہم کے تحت اتوار کے روز اپنی تیسری بڑی ریلی کا انعقاد کیا تھا۔
اپوزیشن جماعتوں کی پاکستان ڈیموکریٹک موومنٹ ( پی ڈی ایم ) کہلانے والا یہ اتحاد 20 ستمبر کو تشکیل دیا گیا تھا۔ اس سے قبل اس اتحاد نے اس ماہ دو بار گوجرانوالہ اور کراچی میں احتجاجی مظاہرہ کیا تھا۔ 1999 میں ، ہندوستان اور پاکستان کے مابین کارگل کی جنگ ہوئی تھی۔ پاکستانی فوجیوںنے دراندازی کرکے ہندوستان کی اونچی چوٹیوں پر قبضہ کرنے کی کوشش کی تھی۔لیکن ہندوستانی فوجیوں نے نہ صرف پاکستانی فوج کو دم دبا کر بھاگنے پر مجبور کر دیا تھا بلکہ شکست کا وہ زخم دیا تھا جسے آج تک پاکستان کی فوج اور اس کے جنرل چاٹ رہے ہیں ۔
تصویر سوشل میڈیا