پاکستان برطانیہ میں جہادی دہشت پھیلا رہا ہے، لندن کا بلیو پرنٹ بھی تیارکیا: رپورٹ

لندن: پاکستان کی جانب سے دہشت گردی کے تحفظ اور پھیلا و¿سے متعلق پالیسی ریسرچ گروپ کی نئی رپورٹ میں چونکا دینے والا انکشاف ہوا ہے۔ برطانیہ کے سیکیورٹی تجزیہ کار کائل اورٹن کے مطابق برطانیہ میں دہشت گردی کے پھیلا و¿کا ذمہ دار پاکستان ہے۔ یہی نہیں بلکہ پاکستانی پالیسیوں نے طویل عرصے سے دہشت گردی کی حوصلہ افزائی کی ہے۔ اس نے ہمیشہ اپنے آپ کو چھپائے رکھا جب کہ جہادی نیٹ ورک پورے برطانیہ میں پھیلا ہوا تھا۔

انہوں نے برطانیہ میں دہشت گردی کے واقعات کا ذمہ دار پاکستان کو ٹھہرایا ہے۔رپورٹ کے مطابق مغرب نے ہمیشہ 7/7 اور 9/11 کے اسباق کو نظر انداز کیا لیکن اس دوران بین الاقوامی جہادی نیٹ ورکس نے برطانیہ میں اپنی جگہ بنا لی۔ پالیسی ریسرچ گروپ کی اس رپورٹ کے مطابق ستمبر 2005 میں القاعدہ نے محمد صدیقی خان نامی دہشت گرد کی ایک ویڈیو جاری کی جس میں وہ مغرب کے خلاف اعلان جنگ کر رہا ہے۔پاکستان میں آئی ایس آئی کے ذریعے کام کرنے والے مسعود اظہر نے 1993 میں کشمیر میں جہاد کے لیے فنڈز اکٹھا کرنے، دہشت گردوں اور مقامی نیٹ ورکس کو بھرتی کرنے کے لیے برطانیہ کا دورہ بھی کیا۔

اس کے بعد کچھ دہشت گرد نیٹ ورک آئی ایس میں شامل ہو گئے۔ اقوام متحدہ کی فہرست میں شامل دہشت گرد مسعود اظہر نے 1990 کی دہائی میں لندنستان کے لیے ایک بلیو پرنٹ بھی بنایا، جہاں جہادیوں نے مسلم دنیا کے باغیوں کو وسائل فراہم کیے اور لندن میں اپنی دکانیں قائم کیں۔ پالیسی ریسرچ گروپ کی رپورٹ میں کہا گیا ہے کہ اس عرصے کے دوران اسامہ بن لادن، ایمن الظواہری، ابو مصعب الزرقاوی جیسے دہشت گرد ان سرگرمیوں میں اضافہ کرتے رہے۔