پاکستان میں شہباز اور عمران سے زیادہ ان کی بیویاں دولت مند و صاحب جائیداد ہیں

اسلام آباد: پاکستان کے وزیر اعظم شہباز شریف اور سابق وزیر اعظم عمران خان کی بیویوں کے اثاثے اپنے اپنے شوہروں سے زیادہ ہیں۔ 30 جون 2020 کو ختم ہونے والے مالی سال کے لیے الیکشن کمیشن آف پاکستان (ای سی پی) میں جمع کرائی گئی جائیداد کی تفصیلات کے مطابق نصرت شہباز اپنے شوہر وزیر اعظم شہباز شریف سے زیادہ امیر ہیں اور ان کے اثاثوں کی مالیت 23 کروڑ 2 لاکھ 90 ہزار روپے ہے۔

اخبار دی ڈان نے بتایا کہ وزیراعظم کی اہلیہ کی لاہور اور ہزارہ ڈویژن میں نو زرعی جائیدادیں اور ایک ایک گھر ہے۔ اس کے علاوہ انہوں نے مختلف شعبوں میں بھی کافی سرمایہ کاری کی ہے لیکن ان کے نام پر کوئی گاڑی نہیں ہے۔ وزیراعظم کے پاس 10 کروڑ 42 لاکھ 10 ہزار روپے کے اثاثے ہیں۔ ان پر 14 کروڑ 17 لاکھ 80 ہزار روپے واجب الادا ہیں۔عمران خان کے پاس ہیں4 بکریاںسابق وزیراعظم عمران خان کے پاس دو لاکھ روپے مالیت کی چار بکریاںہیں۔ پاکستان تحریک انصاف(پی ٹی آئی) کے سربراہ عمران خان کی 6 جائیدادیں ہیں جن میں سب سے نمایاں 300 کنالی کے علاقے میں ولا ‘بنی گالہ’ ہے۔

اس کے علاوہ ان کے پاس وراثت میں ملی جائیداد بھی ہے جس میں زمان پارک لاہور میں ایک گھر، غیر زرعی اراضی اور تقریبا 600 ایکڑ زرعی اراضی شامل ہے۔ خان کے پاس پاکستان سے باہر نہ تو کوئی گاڑی ہے اور نہ ہی کوئی جائیداد۔ انہوں نے کہیں بھی کوئی سرمایہ کاری نہیں کی، اور پاکستانی غیر ملکی کرنسی کھاتوں میں امریکی ڈالر 329,196 اور 518 پاو¿نڈز کے علاوہ بینک اکاو¿نٹس میں 6 کروڑ روپے سے زیادہ ہیں۔ خان کی تیسری اہلیہ بشریٰ بی بی کے پاس 14 کروڑ 11 لاکھ 10 ہزار روپے کے اثاثے ہیں۔ ان کی چار جائیدادیں ہیں جن میں بنی گالہ میں ایک مکان اور ایک گاڑی شامل ہے۔