Political rivals aren't enemies, says Omar Abdullahتصویر سوشل میڈیا

سری نگر: (اے یو ایس)نیشنل کانفرنس کے نائب صدر اور سابق وزیر اعلیٰ عمر عبداللہ کا کہنا ہے کہ ان کے سیاسی حریف ضرور ہیں لیکن ان کا کوئی دشمن نہیں ہے۔انہوں نے کہا کہ یہ کہاں کہا گیا ہے کہ سیاسی طور اختلاف کرنے کے لئے ہمیں ذاتی طور پر ایک دوسرے سے نفرت نہیں کرنی چاہئے۔موصوف سابق وزیر اعلیٰ نے ان باتوں کا اظہار جمعہ کے روز اپنے ایک ٹویٹ میں کیا۔انہوں نے یہ ٹویٹ بی جے پی جموں وکشمیر یونٹ کے صدر رویندر رینا کے ایک انٹرویو کے دوران ان کی تعریفیں کرنے کے رد عمل میں کیا۔

رویندر رینا نے حال ہی میں اپنے ایک انٹرویو میں کہا کہ عمر عبداللہ بطور ایک انفرادی شخصیت کے جموں وکشمیر کے لیڈروں میں ایک ہیرے کی حیثیت رکھتے ہیں۔عمر عبداللہ نے اس کے رد عمل میں ٹویٹ کرتے ہوئے کہا کہ میرے سیاسی حریف ہیں لیکن میرا کوئی دشمن نہیں ہیں۔ان کا ٹویٹ میں مزید کہنا تھا کہ میں رویندر ریناکے ان الفاظ کے لئے ان کا مشکور ہوں لیکن یہ الفاظ ہمیں (سیاسی طور) ایک دوسرے کی مخالفت کرنے سے نہیں روکیں گے۔

Leave a Reply

Your email address will not be published. Required fields are marked *