نئی دہلی: بالی ووڈ اداکار سشانت سنگھ راجپوت کی موت کے بعد سے لوگ یہ جاننے کی کوشش کر رہے ہیں کہ بالآخر انہوں نے یہ قدم کیوں اٹھایا۔
اورسوشل میڈیا میں اس پر کافی بحث جاری ہے اسی بحث کے درمیان گلوکار سونو نگم نے ایک وی لاگ شئیر کیا ہے جس میں وہ یہ خبردار کرتے نظر آ رہے ہیں کہ سشانت کے بعد میوزک انڈسٹری سے بھی خود کشی کی خبر آ سکتی ہے، کیونکہ جس طرح سے میوزک انڈسٹری میں مافیا سرگرم ہیں۔
ان کے کام کرنے کا طریقہ نئے لوگوںکو پریشان کر رہا ہے۔اس سے خودکشی کے خدشات جنم لینے لگے ہیں۔ سونو نگم نے تقریبا ساڑھے سات منٹ کے اپنے اس ویڈیو میں بتایا ہے کہ کس طرح سے ایک دو لوگوں نے پوری میوزک انڈسٹری پر اپنا قبضہ جما رکھا ہے اور وہ ہی طے کرتے ہیں کہ کس سے گانا گوانا ہے اور کس سے نہیں۔وی لاگ میں سونو نگم نے کہا۔
’ گڈ مارننگ، نمستے۔ میں نے بہت دنوں سے وی لاگ نہیں کیا۔ اصل میں میرا موڈ نہیں تھا۔ پورا ہندستان کئی طرح کے دباؤ سے گزر رہا ہے۔ ایک تو ذہنی اور جذباتی دباؤ، سشانت سنگھ راجپوت کے جانے کے بعد میں۔
دکھ ہونا لازمی بھی ہے، کیونکہ اپنے سامنے ایک جوان زندگی کو جاتے ہوئے دیکھنتے برداشت کرنا آسان نہیں ہے۔ کوئی سنگدل ہی ہو گا جسے اس بات سے کوئی فرق نہیں پڑتا ہو۔ اس کے علاوہ ہندستان اور چین کے بیچ جو چل رہا ہے جس میں ہندستان کے بیس جوان جوکئی گھنٹے لڑنے کے بعد تڑپ تڑپ کر مرے ہیں۔ میں ایک ہندستانی ہوں لیکن اس سے بھی زیادہ ایک انسان ہوں آپ کی طرح‘۔
انہوں نے آگے کہا ’ میں اس وی لاگ سے ایک درخواست کرنا چاہتا ہوں، خاص کر میوزک انڈسٹری سے۔ کیونکہ آج سشانت سنگھ راجپوت مرا ہے۔ ایک اداکار مرا ہے۔ کل کو آپ کسی گلوکار کے بارے میں بھی ایسا سن سکتے ہیں یا پھر کسی میوزک کمپوزر کے بارے میں بھی یا کسی گیت کار کے بارے میں سن سکتے ہیں۔
کیونکہ میوزک انڈسٹری کا جو ماحول ہے ہمارے ملک میں، فلموں سے بڑا مافیا میوزک انڈسٹری میں ہے بدقسمتی سے۔ یہاں جو نئے بچے آئے ہیں ان کے لئے بہت مشکل ہے۔ میں سب سے بات کرتا ہوں۔ کتنے لڑکے۔ لڑکیاں مجھ سے اس بارے میں بات کرتے ہیں۔ وہ بچے ہیں، پریشان ہیں“۔
تصویر سوشل میڈیا