نئی دہلی: دسمبر 2018میں امریکی گلوکارو اداکار نک جونس کے ہمراہ رشتہ ازدواج میں منسلک ہونے والی بالی ووڈ ادکارہ پرینکا چوپڑا نے جنہوں نے گزشتہ مہینے ہی اپنی شادی کی پہلی سالگرہ منائی ہے اس بات کا انکشاف کیا کہ انہوںنے اپنے سے 10سال چھوٹے امریکی گلوکار نک جونس کو ڈیٹ کرنے کا فیصلہ کیوں کیا تھا ۔

اپنی محبت کی کہانی کے بارے میں اداکارہ پرینکا چوپڑا نے بات کرتے ہوئے بتایا کہ ’امریکی پاپ سنگر نک جونس کو ان کے گانے ’ کلوز‘ کے ویڈیو کو دیکھنے کے بعد میں نے انہیں ڈیٹ کرنے کا فیصلہ کیا تھا۔

واضح رہے کہ اس گانے کے ویڈیو میں نک جونس کوصرف انڈر گارمنٹس میں دیکھا جا سکتا ہے ، اس گانے میں پرینکا کو نک جونس اتنے ہاٹ لگے کہ انہوں نے ان کے ساتھ شادی کرنے فیصلہ کر لیا۔

پرینکا نے بتایا کہ یہ ان کا پسندیدہ ویڈیو بھی ہے ۔ قابل غور ہےکہ پرینکا نے نک جونس کو سال 2017میں ڈیٹ کرنا شروع کیا تھا اور سال 2018میں ایک دسمبرکو شادی کر لی تھی۔

پرینکا چوپڑا آخری بار بالی ووڈ فلم ’ دی اسکائی از پنک‘ میں نظر آئیں تھیں جس میںانکے ساتھ بالی وڈ اداکار فرحان اختر اداکاری کرتے دکھائی دیئے تھے۔ اس فلم کو ناظرین نے بہت پسند کیا تھا ۔

(تصویریں انسٹا گرام )