روس یوکرینی شہر تباہ کرنے کے لیے اندھا دھند طاقت کا استعمال کر رہا ہے: برطانیہ

ماسکو:(اے یو ایس ) ایک ایسے وقت میں جب ماسکو یوکرینی علاقے میں اپنی فوجی کارروائی جاری رکھے ہوئے ہے برطانوی وزیر دفاع بین والیس نے زور دے کر کہا ہے کہ روسی افواج یوکرین کے شہروں کو صفحہ ہستی سے مٹانے کے لیے اندھا دھند طاقت کا استعمال کر رہی ہیں۔

انہوں نے وزارت دفاع کی طرف سے شائع ہونے والے ایک بیان میں کہا کہ میزائلوں کی نئی کھیپ یوکرینیوں کو اپنے دفاع میں مدد دے گی۔ یہ اس بات کا اشارہ ہے کہ میزائل بیچ واشنگٹن کے ساتھ مل کر قیفبھیجا جائے گا۔انہوں نے مزید کہا کہ اگر عالمی برادری اپنی حمایت برقرار رکھے تو یوکرین جیت سکتا ہے۔بین والیس نے اس سے قبل اعلان کیا تھا کہ برطانیہ غیر متعینہ تعداد میں ایم 270 راکٹ لانچرز بھیجے گا، جو 80 کلومیٹر تک کی رینج میں ہدف کو نشانہ بنا سکتے ہیں۔

برطانیہ نے مزید کہا کہ یہ فیصلہ یوکرین کو ہیمارس انتہائی موبائل آرٹلری میزائل سسٹم بھیجنے کے امریکی فیصلے کے ساتھ قریبی ہم آہنگی میں کیا گیا ہے۔مذکورہ دونوں میزائل سسٹم ایک جیسے ہیں تاہم حالانکہ امریکی سسٹم میں پہیے ہیں جب کہ برطانوی سسٹم جسے امریکا نے بھی بنایا تھا۔ یہ نظام ٹریک شدہ گاڑیوں میں استعمال ہونے والے ٹریک سسٹم پر کام کرتا ہے۔یوکرین نے اپنے مغربی اتحادیوں سے اپیل کی ہے کہ وہ ماسکو کی جارحیت کا مرکز مشرقی ڈونباس علاقے میں روسی توپ خانے کے حملوں کا مقابلہ کرنے میں مدد کے لیے طویل فاصلے تک مار کرنے والے میزائل بھیجیں۔