Russia says destroyed 42 Ukraine-launched drones over Crimeaتصویر سوشل میڈیا

ماسکو، (اے یوایس)روس کی وزارت دفاع نے دعویٰ کیا ہےکہ روسی ائیر ڈیفنس نے یوکرین کی جانب سے کریمیا پر مارے جانے والے 42 ڈرونز کو مار گرایا۔ روس نے یوکرین پر مسلسل ڈرون حملوں کا الزام لگاتے ہوئے کہا کہ یوکرین کی جانب سے کریمیا پر ا?ج صبح سویرے ڈرون حملے کیے گئے جن میں سے 42 ڈرونز کو ائیر ڈیفنس نے کریمیا پر ہی مار گرایا جب کہ ایک میزائل حملہ کالوگا کے علاقے میں کیا گیا اسے بھی ناکارہ بنادیا گیا۔

روسی وزارت دفاع کا کہنا ہےکہ 9 ڈرونز کو فضائی دفاعی فورسز نے تباہ کیا جب کہ 33 کو الیکٹرانک وار فیئر کے ذریعے مارا گیا جو اپنے اہداف تک پہنچے سے پہلے ہی کریمیا پر گر کر تباہ ہو گئے۔اس موقع پر کریمیا کے گورنر نے ٹیلی گرام میسج پر بتایا کہ سیواسٹوپول کے مضافات اور خرسون میں بھی متعدد ڈرونز کو تباہ کیا گیا ہے۔روسی حکام کا کہنا ہےکہ فی الحال ڈرون حملوں میں کسی قسم کا جانی نقصان نہیں ہوا اور نہ ہی ان حملوں سے کوئی تباہی ہوئی ہے البتہ ائیرپورٹس پر کچھ دیر کے لیے فلائٹ ا?پریشن کو روکا گیا۔

Leave a Reply

Your email address will not be published. Required fields are marked *