ماسکو: (اے یو ایس )روس نے یوکرین کے شہر ماریوپول میں، جہاں اس کی افواج نے اسٹیل پلانٹ کے ایک کمپلیکس کے علاوہ پورے شہر کو عملاً فتح کر لیا ہے، جمعرات کے روز جنگ بندی پر عمل کرنے کا وعدہ کیا۔اسٹیل پلانٹ میں یوکرین کے فوجی شہریوں کے ساتھ چھپے ہوئے ہیں اور اقوام متحدہ یہاں پر پھنسے افراد کے انخلا کے لیے کام کررہا ہے۔روس نے کہا کہ اس کی دن کے وقت کی جنگ بندی جمعہ اور ہفتہ کو دوبارہ جاری رہے گی تاکہ ازوسٹال سائٹ سے مزید انخلا کی سہولت فراہم کی جا سکے۔
دوسری طرف یوکرین کے صدر ولودومیر زیلنسکی نے جمعرات کی صبح ایک خطاب میں کہا کہ ماریوپول میں بقیہ شہریوں کو نکالنے کے لیے طویل جنگ بندی کی ضرورت ہے۔ لوگوں کو ان تہہ خانوں سے، ان زیر زمین پناہ گاہوں سے نکالنے میں وقت لگے گا۔ موجودہ حالات میں، ہم ملبے کو دور کرنے کے لیے بھاری سامان استعمال نہیں کر سکتے۔ یہ سب ہاتھ سے کرنا ہے ۔ لیکن روس کے اس اعلان پر امریکہ نے شک و شبہ کا اظہار کیا ۔
واشنگٹن میں محکمہ خارجہ کے ترجمان نیڈ پرائس نے روس کے جنگ بندی کے عزم پر شکوک کا اظہار کرتے ہوئے کہا کہ جو کچھ ہم نے مسلسل دیکھا ہے، اور ہم نے حالیہ دنوں میں بھی دیکھا ہے، روسی فیڈریشن کی جانب سے ایک نام نہاد انسانی توقف کو قبول کرنے کا رجحان ایک ایسے اداکار کی آڑ میں اپنے آپ کو ڈھانپنے کے لیے ہے جسے صرف انسانی تحفظات ہیں۔ لیکن وہ گولہ باری اور تشدد کو فوری طور پر دوبارہ شروع کردیتا ہے۔ اس سلسلے میں ترجمان نے ماریوپول سمیت محاصرہ زدہ علاقوں میں پھنسے ہوئے شہریوں کے خلاف روسی تشدد کا حوالہ دیا۔
تصویر سوشل میڈیا