نئی دہلی: حال ہی میں ریلیز ہوئی فلم ’ جوانی جان من‘ میں اداکار سیف علی خان کے ساتھ نظر آئی اداکارہ ایلینا فرنانڈیز کا کہنا ہے کہ سیف علی خان ایک تجربہ کار اداکار ہیں اور انکے ساتھ فلم میں اداکاری کرنا میرے لئے فخر کی بات ہے۔
اداکارہ نے سیف کی تعریف کرتے ہوئے مزید کہا کہ ’ وہ بے حدپیشہ ور ہیں انہیں اداکاری کرتے ہوئے دیکھنا غیر معمولی واقعہ سے کم نہیں ہے، مجھے اس بات کی واقعی میں خوشی ہے کہ ناظرین نے فلم جوانی جان من کو بہت پسند کیا ہے۔
انہوں نے کہا کہ سیف علی خان اور بہترین پروڈیوسر جیکی ودیپ شکھا کے ساتھ جلد ہی دوبارہ کام کرنے کی میری خواہش ہے۔
خیا ل رہے کہ ’ جوانی جان من‘ کے علاوہ اداکارہ ایلنا فرنانڈیز ’ کپور اینڈ سنس‘ اور ’ بدلا‘ جیسی فلموں میںبھی اپنی اداکارہ کاجلوہ دیکھا چکی ہیں۔
قابل غور ہے کہ فلم ’ جوانی جان من ‘ باکس آفس پر کافی اچھا مظاہرہ کر ہی ہے، اس فلم میں سیف علی خان اور ایلنا کے علاوہ اداکارہ تبو، اداکار چنکی پانڈے بھی مرکزی کردار میں ہیں۔
(تصویریں انسٹا گرام )