Saudi Arabia to roll out large quantities of coronavirus vaccines: Health ministerتصویر سوشل میڈیا

ریاض: (اے یو ایس ) سعودی عرب کے وزیر صحت ڈاکٹر توفیق الربیعہ نے کہا ہے کہ وزارت صحت مختلف ممالک اور ذرائع سے آنے والے دنوں میں وافر مقدار میں کرونا ویکسین حاصل کرے گی۔

ان کا کہنا تھا کہ سعودی عرب ان ابتدائی ملکوں میں شامل ہے جنہوں نے 17 دسمبر سے کرونا ویکسین کی فراہمی شروع کر دی تھی۔

انہوں نے حج وعمرہ برائے 2020 کے حوالےسے منعقدہ علمی اورتحقیقی کانفرنس سے خطاب میں کہا کہ وزیر صحت نے کہا کہ گذشتہ چار ہفتوں کے دوران مملکت میں وبا کے نئے کیسز کے رحجان میں کمی آئی ہے۔

ان کا کہنا تھا کہ وبا میں کمی کی وجہ کرونا ایس اوپیز پرعمل درآمد اور شہریوں میں وافر مقدار میں ویکسین کی فراہمی ہے۔

سعودی وزیر صحت کا کہنا تھا کہ مملکت نے وبا کے پیش نظر ایمرجنسی وارڈز میں 13 ہزار بستر کا اہتمام کیا جب کہ ملک میں کرونا کے چیک اپ کے لیے 230 ہنگامی طبی مراکز قائم کیے گئے۔

Leave a Reply

Your email address will not be published. Required fields are marked *