وزیر خزانہ سیتا رمن کا واشنگٹن میں اپنے جاپانی ہم منصب سے ہند-بحرالکاہل اقتصادی تعاون پر تبادلہ خیال

واشنگٹن: امریکہ میں وزیر خزانہ نرملا سیتا رمن نے بدھ کو اپنے جاپانی ہم منصب شونیچی سوزوکی کے ساتھ دو طرفہ میٹنگ کی اور دونوں رہنماو¿ں نے انڈو پیسیفک اقتصادی تعاون سے متعلق اہم ایجنڈے پر تبادلہ خیال کیا۔ انہوں نے یہاں آئی ایم ایف-ورلڈ بینک کے سالانہ اجلاسوں کے موقع پر جنوبی کوریا کے نائب وزیراعظم اور سعودی عرب کے وزیر مملکت برائے خزانہ سمیت دیگر رہنماو¿ں کے ساتھ دو طرفہ ملاقاتیں کیں۔ جاپانی وزیر خزانہ کے ساتھ اپنی ملاقات کے دوران، سیتا رمن نے کہا کہ یہ سال ہندوستان-جاپان دو طرفہ تعلقات کے لیے خاص رہا ہے کیونکہ دونوں ممالک باہمی سفارتی تعلقات کے قیام کی 70 ویں سالگرہ منا رہے ہیں۔

اس کے علاوہ اس سال ہندوستان اپنی آزادی کی 75ویں سالگرہ بھی منا رہا ہے۔ وزارت خزانہ کے ایک ٹویٹ کے مطابق، سیتا رمن نے کہا کہ 2023 عالمی سطح پر ہندوستان اور جاپان کے لیے بہت بڑی ذمہ داریاں لے کر آیا ہے کیونکہ دونوں ممالک بالترتیب G-20 اور G-7 کی صدارت سنبھال رہے ہیں۔ دونوں رہنماؤں نے ہند-بحرالکاہل اقتصادی تعاون سے متعلق اہم ایجنڈے پر بھی تبادلہ خیال کیا۔

جنوبی کوریا کے نائب وزیر اعظم اور اقتصادیات اور مالیات کے وزیر چو کیونگ ہو کے ساتھ ملاقات کے دوران، سیتا رمن نے اپنے ہم منصب کو ہندوستان کے دورے کی دعوت دی۔وزارت خزانہ کے ایک اور ٹویٹ کے مطابق، سیتا رمن نے 2023 میں جی 20 ممالک کے وزرائے خزانہ سے ملاقات کے امکانات پر تبادلہ خیال کیا اور جی 20 انڈیا 2023 کی صدارت کے لیے جنوبی کوریا کی حمایت مانگی۔ انہوں نے کیونگ کو ہند-جنوبی کوریا کے وزرائے خزانہ کی چھٹی میٹنگ کے لیے ہندوستان مدعو کیا۔قابل غور ہے کہ ہندوستان یکم دسمبر سے G-20 گروپ کی صدارت کرے گا۔