Speedy truck ramms into stationary vehicles at a signal in Madina, 4 killed ,5 injuredتصویر سوشل میڈیا

مدینہ منورہ:(اے یو ایس )مدینہ منورہ میں رنگ روڈ پر تیز رفتار ٹرک حادثے میں 4 افراد جاں بحق اور 5 دیگر زخمی ہو گئے۔ یہ حادثہ اس وقت پیش آیا جب ایک تیز رفتار ٹرک ٹریفک سگنل پر کھڑی متعدد کاروں سے ٹکرا گیا۔

مدینہ ٹریفک ڈیپارٹمنٹ نے بتایا یہ حادثہ علی بن ابی طالب روڈ پر پر اس وقت پیش آیا جب ایک مال بردار ٹرک ٹریفک سگنل پر رکنے کے بجائے وہاں پر کھڑی گاڑیوں پر چڑھ گیا۔ حادثے میں چارافراد جاں بحق اور پانچ زخمی ہوئے ہیں۔ حکام نے حادثے کی تحقیقات شروع کر دی ہیں۔

مدینہ منورہ میں سعودی ہلال احمر اتھارٹی کے سرکاری ترجمان خالد بن موسیٰ السہلی نے وضاحت کی کہ مدینہ میں ٹریفک آپریشنز اتھارٹی کو منگل کی دوپہر 12 بج کر 39 منٹ پرٹریفک حادثے کی اطلاع موصول ہوئی۔ یہ حادثہ علی بن ابی طالب روڈ اور دوسری طرف شاہ عبداللہ روڈ کو ملانے والے ایک چوک میں پیش آیا۔

انہوں نے بتایا کہ حادثے کی اطلات ملتے ہی چھ امدادی ٹیمیں جائے حادثہ پر روانہ کر دی گئیں۔ لیکن جب تک یہ امدادی ٹیمیں جائے وقوعہ پرپہنچ پاتیں چار افراد دم توڑ چکے تھے۔ جب کہ پانچ زخمی تھے جنہیں فوری طورپر اسپتال منتقل کیا گیا ہے۔

Leave a Reply

Your email address will not be published. Required fields are marked *