سنگاپور: سنگاپور میں تین ہندوستانیوں کو تکنیکی امداد اسکینڈل میں ملوث ایک بین الاقوامی گینگ میں ملوث ہونے پر جیل کی سزا سنائی گئی ہے۔ میڈیا میں شائع ہونے والی خبر کے مطابق مذکورہ تینوں ملزمان تعلیم حاصل کرنے کے ارادے سے ہندوستان سے سنگاپور آئے تھے اور بعد میں اس گینگ کے لیے کام کرنے لگے۔ خبر میں کہا گیا ہے بدھ کونندی نیلادری (24)کو 18 ماہ کی سزا سنائی گئی۔ نیلادری نے 30,500 سنگاپور ڈالر کی ہیرا پھیری کی تھی۔
اطلاعات کے مطابق، ایک اور ملزم آکاش دیپ سنگھ (23) نے 1,18,000 سنگاپوری ڈالر سے زیادہ کی ٹھگی کی تھی اور اسے ایک سال قید کی سزا سنائی گئی ہے۔ تیسرے ملزم گری دیوجیت (24) کو سات ماہ قید کی سزا سنائی گئی جس نے غلط طریقے سے 61,000 سنگاپور ڈالر سے زیادہ حاصل کیے تھے۔ گری اور نندی 2019 میں سنگاپور آئے تھے جبکہ آکاش 2020 میں اس کے پاس آیا تھا۔عدالتی دستاویزات میں یہ نہیں بتایا گیا کہ وہ کس کالج میں زیر تعلیم تھے۔ اس معاملے میں عدالت نے ان تینوں سے پہلے چار ملزمان کو سزا سنائی تھی۔ سنگاپور پولیس فورس کے جاری کردہ بیان کے مطابق یہ اسکینڈل کئی ممالک تک پھیل چکا تھا۔و oسپتال لے جایا گیا ہے۔
تصویر سوشل میڈیا