تائپی سٹی: چین اور تائیوان کے درمیان کشیدگی میں مسلسل اضافہ ہوتا جا رہا ہے۔ چین اپنی حرکات سے باز نہیں آرہا اور تائیوان کے دفاعی شعبے میں مسلسل دراندازی کر رہا ہے۔ پیر کے روز، دو چینی لڑاکا طیارے تائیوان کے فضائی دفاع کا پتہ لگانے والے علاقے میں داخل ہوگئے۔ تائیوان کی وزارت دفاع کا کہنا ہے کہ چینی جنگی طیاروں کی جانب سے یہ نویں بار دراندازی ہے۔
تائیوان کی وزارت قومی دفاع( ایم این ڈی)کے مطابق پیپلز لبریشن آرمی ( پی ایل اے ) کا 500 کے جی اور وائی8 طیارے تائیوان کے اے ڈی آئی زیڈ کے جنوب مغربی کونے میں داخل ہوگئے۔اس کے جواب میں، تائیوان نے چینی طیاروں کی نگرانی کے لیے ریڈیو وارننگ نشر کرنے اور میزائل سسٹم کی تعیناتی کے علاوہ اپنے طیارے بھیجے۔ بتادیںگزشتہ چار دنوں کے دوران تقریبا 150 چینی فوجی طیاروں کے تائیوان کی فضائی حدود میں داخل ہونے کے بعد بیجنگ اور تائی پے کے درمیان کشیدگی کئی گنا بڑھ گئی ہے۔
وزیر دفاع چی کوو چینگ نے گزشتہ جمعرات کو تائیوان میں چینی طیاروں کی جانب سے ریکارڈ تعداد میں دراندازی کے بعدکہا چین کے ساتھ تائی پے کافوجی تنا و¿40 سال سے زیادہ عرصے میں بدترین حالت میں ہے۔
تصویر سوشل میڈیا