ٹورنٹو( اے یوایس) کناڈا میں العربیہ کی خاتون رپورٹر نے بتایا ہے کہ کیوبک شہر میں ہفتے کی شب رات گئے ایک حملے میں 2 افراد اپنی جانوں سے ہاتھ دھو بیٹھے جب کہ 5 زخمی ہو گئے۔برطانوی اخبار دی گارڈین کے مطابق کینیڈا کی پولیس کے ترجمان ایٹن ڈویون نے کینیڈا ریڈیو سے گفتگو کرتے ہوئے ہلاک اور زخمی افراد کی تعداد کی تصدیق کی۔
انہوں نے بتایا کہ اتوار کے روز ایک نوجوان کو حراست میں لیا گیا ہے جس کی عمر پچیس برس کے قریب ہے۔ نوجوان نے ایسا لباس پہن رکھا تھا جو قرون وسطی کے زمانے میں پہنا جایا کرتا تھا اور اس کے پاس ایک تلوار بھی تھی۔ اس بات کا شبہ ہے کہ نوجوان نے گذشتہ روز ہیلوین کے تہوار کے موقع پر موج مستیوں میں مصروف افراد کو تیز دھار آلے سے حملے کا نشانہ بنایا۔
اس سے قبل کناڈا کی پولیس نے اتوار کو علی الصباح اعلان کیا تھا کہ ایک پرتشدد واقعے میں کئی لوگ ہلاک اور زخمی ہو گئے ہیں۔پولیس نے شہریوں سے درخواست کی ہے کہ وہ اپنے گھروں میں رہیں۔ واقعے میں زخمی افراد کو ہسپتال منتقل کر دیا گیا۔ ابھی تک اس حملے کے اسباب و محرکات معلوم نہیں ہو سکے ہیں۔
تصویر سوشل میڈیا