پاکستان میں پولیو ٹیم کی حفاظت پر تعینات دو پولس اہلکاروں کو گولی مارکر ہلاک کر دیا گیا

اسلام آباد: پولس کے مطابق بدھ کے روز لوور ڈیر میں نامعلوم بندوق برداروں نے پولیو ٹیموں کی حفاظت پر تعینات دو پولس اہلکاروں کو گولی مار کر ہلاک کر دیا۔

لوور ڈیر کے پولس ڈپٹی سپرنٹنڈنٹ سعید الرحمٰن نے کہا کہ یہ واردات شہر کے میدان علاقہ میں ہوئی۔

سعید الرحمٰن نے کہا کہ یہ پولس اہلکار ایک پولیو ٹیم کے ساتھ ایک طبی کیمپ کی جانب جا رہے تھے کہ انہیں نشانہ بناکر فائرنگ کی گئی جس میں دو پولس اہلکار ہلاک ہو گئے۔

سعید الرحمٰن نے مزید کہا کہ چونکہ پولیو ٹیکہ ٹیم کا عملہ بندوق برداروںکی رینج سے باہر تھا اس لیے دوری ہونے کے باعث پولیو ٹیکہ عملہ کے کسی فرد کو کوئی زک نہیں پہنچی۔سعید الرحمٰن نے کہا کہ نامعلوم بندو ق برداروں کی تلاش شرو ع کر دی گئی ہے۔

یہ بندوق بردار فائرنگ کرتے ہی فرار ہو گئے۔5سال سے کم عمر کے 67لاکھ50ہزار بچوںکو پولیو کے ٹیکے لگانے کے لیے 22925ٹیمیں تشکیل دی گئی ہیں۔

اس مہم کا مقصد پولیو کے جراثیم دوسرے بچوں میں منتقل ہونے اور پولیو کو وابئی شکل اختیار کرنے سے روکنے کے لیے ہر بچے تک پہنچ کر اسے ٹیکہ لگانا ہے۔