قیف: (اے یوایس) یوکرینی فوج نے روس میں ضم شدہ علاقوں میں پیش قدمی کی ہے اور خرسون میں یوکرینی فوج نے روس کے دفاعی پوزیشنز کو توڑ دیا۔ یوکرینی فوج نے مشرقی علاقوں میں بھی پیش قدمی کی ہے۔میڈیا رپورٹس کے مطابق یوکرین نے فوجی پیش قدمی کی تصدیق نہیں کی۔
دوسری جانب روسی وزارت دفاع کے ترجمان نے خرسون میں دفاعی پوزیشن ٹوٹنے کی تصدیق کرتے ہوئے کہا کہ روسی فوج نے یوکرینی فوج کو شدید نقصان پہنچایا ہے۔واضح رہے کہ گزشتہ ہفتے روس نے یوکرین کے 4 علاقوں کو ضم کرنے کا اعلان کیا تھا۔روسی صدر ولادمیر پوتین نے یوکرین کے 4 علاقوں کو ضم کرنے کا باضابطہ اعلان کرتے ہوئے کہا تھا کہ ڈونیٹسک، لوہانسک، خیرسون اور زاپورژیا کے شہریوں کو روسی شہریت دی جائے گی۔
تصویر سوشل میڈیا