ماسکو: روس کی خفیہ ایجنسی ایف ایس بی نے روسی فضائیہ کے لڑاکا طیاروں کو ہائی جیک کرنے کی سازش کا پردہ فاش کرنے کا دعویٰ کیا ہے۔ رپورٹ میں بتایا گیا کہ یوکرینی ایجنٹ روسی پائلٹوں کو طیارہ لے کر اپنے ملک میں آنے کے لیے لالچ دے رہے تھے۔ بدلے میں 16 کروڑ ($2 ملین) دینے کا وعدہ کیا جا رہا ہے۔ اس آپریشن میں نیٹو ممالک کی انٹیلی جنس ایجنسیوں نے یوکرینی ایجنٹوں کا ساتھ دیا تھا۔
ایف ایس بی نے یہ بھی کہا کہ اس آپریشن میں ملوث یوکرینی انٹیلی جنس سروس کے ایجنٹوں اور ان کے ساتھیوں کی شناخت کر لی گئی ہے۔اس آپریشن کے انکشاف کے بعد روس کے تمام ہوائی اڈوں اور فوجی اڈوں کی سکیورٹی بڑھا دی گئی ہے۔ یہی نہیں روسی پائلٹوں، اعلی حکام پر بھی نظر رکھی جا رہی ہے۔روسی سکیورٹی سروس نے کہا کہ برطانیہ اس آپریشن میں یوکرین کو بھرپور مدد فراہم کر رہا ہے۔
پائلٹ کو ایک روسی لڑاکا طیارے کو ہائی جیک کرنے اور اسے یوکرین میں اتارنے کے لیے 4,000 ڈالر کی پیشگی ادائیگی کی پیشکش بھی کی گئی تھی۔ تاہم، یہ رقم صرف بکنگ کی رقم کی طرح ہی تھی۔یوکرینی حکام نے دعویٰ کیا کہ روسی فوجیوں نے یوکرین کے علاقے خرکیو کے شہر چوہویو پر بمباری کی جس کے نتیجے میں دو افراد زخمی ہوگئے جب کہ متعدد ملبے تلے دب گئے۔ دوسری جانب روسی وزیر خارجہ سرگئی لاوروف نے کہا کہ ان کے ملک کا ہدف یوکرین کے صدر ولادیمیر زیلنسکی کی حکومت کا تختہ الٹنا ہے ۔
تصویر سوشل میڈیا