واشنگٹن: (اے یو ایس ) یوکرین کی خاتون اول اولینا زیلنسکا نے ،جو امریکا کے دورے پر ہیں ، وائٹ ہاو¿س میں امریکہ کے خاتون اول جل بائیڈن سے ملاقات کی جہاں مسز بائیڈن نے ان کا پر تپاک خیر مقدم کیا۔یہاں یہ بات قابل ذکر ہےکہ یوکرینی خاتون اول اپنے دورہ امریکہ کے دوران فوجی وردی کے رنگ والے لباس میں ملبوس ہونے کے باعث ہر خاص و عام کی توجہ کا مرکز بنی ہوئی ہیں۔ واضح ہو کہ اسی طرح کا رنگ ان کے شوہر یوکرین کے صدر ولادیمیر زیلنسکی بھی اپنے ملک پرروس کی فوجی چڑھائی کے وقت سے اپنائے ہوئے ہیں۔
یوکرین کی خاتون اول نے اپنے دورہ امریکا کے پہلے دن امریکی وزیر خارجہ انٹنی بلنکن سے ملاقات کی۔ اس موقع پر انہوں نے ملٹری گرین کا کلاسک لباس اپنایا، وہی رنگ جو ان کے شوہر صدر یوکرین کے خلاف روسی جنگ کے آغاز کے بعد سے اپنا رہے ہیں۔زیلنسکا نے اپنے لباس کو سنہری بروشز سے سجایا تھا جس میں ترشول کی شکل دی گئی تھی، جو یوکرین کی علامت ہے۔ اس کے علاوہ کراس کی علامت ہے جسے یوکرین کے سابق صدر نے اس سے قبل اپنی کئی صورتوں میں اپنے فوجی کپڑوں پر اپنایا تھا۔
انہوں نے امریکی کانگریس کے لیے اپنے پیغام یہ تاثر دیا کہ اس منظر کے ذریعے یوکرین کے خلاف روسی جارحیت کا مقابلہ کرنے میں اپنے فعال کردار کا اظہار کرنا چاہتی تھیں۔زیلنسکا کے بارے میں جو کچھ ہم جانتے ہیں وہ یہ ہے کہ انہوں نے کنسٹرکشن انجینیرنگ کی تعلیم حاصل کی لیکن ایک اسکرین رائٹر کے طور پر کام کیا۔ ان کے شوہر جو اب یوکرین کے صدر ہیں ایک کامیڈی اداکار تھے۔انہوں نے جنگ سے پہلے اور اس کے دوران یوکرین کی خاتون اول کی حیثیت سے اپنے فرائض بڑی ذمہ داری کے ساتھ انجام دیے۔ جہاں تک ان کے دورہ امریکہ کا تعلق ہے تو وہ ایک چھوٹے وفد کے ہمراہ ہیں جس کا مطلب ہے کہ یہ دورہ غیر سرکاری ہے۔ منگل کو انہوں نے امریکی خاتون اول جل بائیڈن سے اور بدھ کے روز اراکین کانگریس سے ملاقاتیں کیں ۔
تصویر سوشل میڈیا