اولان باتر(منگولیا) : منگولیائی بدھ دوس کے موقع پر بدھ بھکشوو¿ں کی دعاو¿ں اور نعروں کے درمیان ہندوستان اور منگولیا سے بھگوان بدھ کے مقدس باقیات کو یہاں گنڈن خانقاہ میں با ضابطہ طور رکھا گیا ہے۔ مرکزی قانون و انصاف کے وزیر کیرن رجیجو کی قیادت میں ایک وفد کے ذریعہ ہندوستان سے لائے گئے چار مقدس کپیل واستو آثار اور منگولیا سے آنے والے دیگر آثار 24 جون تک بدھ مت کے عقیدت مندوں کے لیے گنڈن میں آویزاں کیے جائیں گے۔
اس موقع پر مرکزی وزیر رجیجو ، منگولیا کی پارلیمنٹ کے اسپیکر گومبوجاو جنڈن شتر ، گنڈن خانقاہ کے کھمبا نومون خان اور دیگر غیر ملکی معززین کی ایک بڑی تعداد موجود تھی۔ رجیجو نے ٹویٹ کیا کہ منگولین بدھسٹ ڈے کے مبارک موقع پر ، منگولیا میں مقدس بدھ باقیات کی نمائش کے پہلے دن۔ وزیر اعظم نریندر مودی جی اور ہندوستانی عوام کی طرف سے ، میں نے منگولیا کے لوگوں کو بدھ مت کے دن پر مبارکباد دی۔ وزیر قانون اور انصاف کرین رجیجو کی قیادت میں 25 رکنی وفد مقدس آثار لے کر یہاں پہنچا ہے۔ چنگیز خان ہوائی اڈے پر مقدس آثار کے پہنچنے پر منگولیا کے وزیر ثقافت ، سرانچیماگ ، انڈو منگولیا فرینڈشپ گروپ کے رکن پارلیمنٹ/چیئرمین کھمبا نومون خان اور بڑی تعداد میں بدھ بھکشو موجود تھے۔
رجیجو نے کہا کہ وہ بدھ کا پیار اور ہمدردی کا پیغام لائے ہیں۔ انہوں نے کہا کہ ہندوستان کو اپنی بھرپور تہذیب ، ورثہ اور عالمی امن کے لیے روحانی علم پر فخر ہے۔میں وزیر اعظم نریندر مودی کی بدھ پورنیما کے مبارک موقع پر منگولیا کے لوگوں کو مبارکباد دے رہا ہوں۔ وزیر نے یہ بھی کہا کہ وفد کے ذریعے بھارت بدھ کا امن کا پیغام دنیا تک پہنچا رہا ہے۔ رجیجو نے یہ بھی بتایا کہ گنڈن خانقاہ میں بدھا کا مرکزی مجسمہ منگولیا کے لوگوں کو 2015 میں وزیر اعظم نریندر مودی نے تحفے میں دیا تھا اور 2018 میں نصب کیا گیا تھا۔ کپل وستو کی باقیات وزارت ثقافت کے قومی عجائب گھر میں رکھے گئے 22 خصوصی آثار میں سے ایک ہے۔
تصویر سوشل میڈیا