مغربی پاک مہاجرین جموںوکشمیر میں پہلی بار ووٹ ڈالنے کی خوشی سے جھوم اٹھے

سانبہ:مغربی پاکستان سے آنے والے مہاجرین نے ڈھول کی تال پر رقص کیا اور جمعرات کو جشن منایا کیونکہ وہ یہاں پہلی نشستوں کے لئے ضلعی ترقیاتی کونسل اور پنچایت انتخابات میں خالی سیٹوں کے چناﺅ میں اپنا ووٹ ڈال کر پہلی بار شامل ہوں گے۔

سیٹوں کا اعلان بدھ کے روز ہوا تھا۔ مغربی پاکستانی پناہ گزین ایکشن کمیٹی کے صدر لابھہ نے کہا کہ ہم کیسے خوش نہیں ہوسکتے۔ ہم پہلی بار ڈسٹرکٹ ڈویلپمنٹ کونسل اور پنچایت انتخابات کے لئے اپنا ووٹ ڈالیں گے۔ ہمارے پانچ امیدوار پہلی بار انتخاب لڑیں گے۔

انہوں نے مزید کہا کہ ہمارے لوگوں کو پہلے ووٹنگ کے حقوق نہیں تھے لیکن اب جب کہ ہمیں یہ حقوق دیئے گئے ہیں میں اس کے لئے وزیر اعظم نریندر مودی اور مرکزی وزیر داخلہ امیت شاہ کا شکریہ ادا کرنا چاہتا ہوں۔

“مہاجرین نے خوشی کا اظہار کرتے ہوئے کہا ، وہ جموں وکشمیر میں پہلی بار انتخابی عمل کے لئے ووٹ ڈالیں گے اس سے پہلے وہ آرٹیکل 370 اور 35 اے کے باعث ووٹ نہیں ڈال سکتے تھے۔ وہ صرف پارلیمانی انتخابات میں ووٹ ڈال سکتے تھے۔

اے این آئی سے بات کرتے ہوئے ، مغربی پاکستانی پناہ گزین ایکشن کمیٹی کے ریاستی نائب صدر سکھدیو سنگھ نے کہا کہ ہم اپنے ووٹنگ کے حقوق کے لئے احتجاج کرتے تھے لیکن اب ہمارے وزیر اعظم کی وجہ سے ہمیں اپنے سیاسی حقوق دیئے گئے ہیں۔پہلے ہماری کوئی بھی سننے کو تیار نہیں ہوتا تھا۔