واشنگٹن:(اے یو ایس ) امریکی حکام نے خدشہ ظاہر کیا ہے کہ ایران چند ہفتوں میں ایٹمی ہتھیار بنا سکتا ہے۔وائٹ ہاوس کی پریس سیکرٹری جین ساکی نے کہا ہے کہ ایران ایک برس سے کم مدت میں ایٹمی ہتھیار تیار کر سکتا ہے اور یہ بلاشبہ امریکہ کے لئے پریشان کن بات ہے۔
اس سے قبل امریکی وزیرخارجہ انٹونی بلنکن نے بھی ان خدشات کا اظہار کرتے ہوئے کہا تھا کہ پچھلے کچھ عرصے میں ایران نے اپنے جوہری پروگرام کی رفتار بڑھا دی ہے۔انٹونی بلنکن نے سینیٹ کی خارجہ تعلقات کی کمیٹی کو بتایا کہ اس خطرے کے پیش نظر بہترین راستہ یہی ہو گا کہ امریکہ اور ایران کے درمیان جوہری معاہدہ بحال ہو جائے۔
کانگریس کے روبرو اپنی پیشی کے دوران معاہدے پر تنقید کا سامنا کرتے ہوئے بلنکن نے 2015کے معاہدے کو ادھوا لیکن دیگر متبادلوںکی نسبت بہتر بتایا۔یاد رہے کہ سابق صدر ڈونالڈ ٹرمپ نے اپنے پیشرو براک اوبامہ کے دور میں ہونے والے اس معاہدے سے امریکہ کو نکال لیا تھااور اس کی تجدید کے بجائے ایران پر پابندیاں لگانے کے ساتھ ساتھ دیگر ممالک کو ایرانی تیل خریدنے سے روک دیا تھا۔
تصویر سوشل میڈیا