سری نگر: جموں و کشمیر کے سانبہ ضلع کے پلی گاؤں میں پنچایتی راج ڈے کے موقع پر وزیر اعظم نریندر مودی کے پروگرام کے لیے گاؤں کے ہر گھر کی خواتین نے خصوصی طور پر روٹیاں پکا کر پروگرام میں شرکت کرنے والوں کی ضیافت کے طور پر 20-20 روٹیاں بھیجیں۔ وزیر اعظم کو ، جنہوں نے اتوار کو پنچایتی راج ڈے کے موقع پر سانبہ ضلع میں منعقدہ پروگرام کے موقع پر پنچایتوں کے نمائندوں کے ساتھ کھل کر بات چیت کی،پنچایت کے اراکین نے بتایا کہ علاقے کی خواتین نے اس پروگرام کے لیے روٹیاں تیاریاں کیں اور مہمانوں کی تواضع کے لیے ہر گھر سے کم از کم 20 روٹیاں پہنچائی گئیں۔
پلی گاؤں کی پنچایت کے نمائندوں نے گاؤں میں سولر پاور پلانٹ لگانے کے لیے وزیر اعظم کا شکریہ ادا کیا۔ اس دوران پی ایم مودی نے زراعت کے لیے سولر پمپ اور گھروں میں ایل ای ڈی بلب اور سولر ککر کے استعمال کے بارے میں بھی بات کی۔ وزیراعظم نے قدرتی کاشتکاری کے فوائد کا بھی ذکر کیا۔گاؤں کے یوم تاسیس کو منانے کی اہمیت کا ذکر کرتے ہوئے انہوں نے کہا کہ تمام لوگوں کو ایک جگہ پر جمع ہونا چاہیے اور ہر سال اس تقریب کو منانا چاہیے اور فیصلہ کرنا چاہیے کہ اگلے سال گاؤں کے لیے کیا کرنا چاہیے۔ وزیر اعظم نے پنچایت کے نمائندوں سے پوچھا کہ وہ اپنے دور کو ایسے کاموں کے لیے کیا استعمال کرنا چاہئیے جہیں کئی نسلوں تک یاد رکھا جائے۔
تصویر سوشل میڈیا