ایران کی وزارت خارجہ کے ترجمان سعید خطیب زادے نے یمن کی اعلیٰ سیاسی کونسل کی امن پیشرفت کا خیر مقدم کرتے ہوئے کہا ہے کہ صنعا کی جانب سے نیک نیتی کے ساتھ پیش کیے جانے والے اس منصوبے میں جنگ کے خاتمے کی شدید خواہش کے ساتھ ساتھ عوام کے جابرانہ محاصرے کو ختم کرنے اور یمن کے سیاسی بحران کو حل کرنے کے پختہ عزم سے متعلق ایک ٹھوس پیغام ہے۔خلیل زادے نے مزید کہا کہ اس پیشرفت پر سنجیدگی اور مثبت انداز میں قدماٹھایا گیا تو اس سے حالیہ جنگ کے خاتمہ کی راہ ہموار ہو گی۔
ارنا رپورٹ کے مطابق سعید خطیب زادے نے اس امید کا اظہار کیاکہ رمضان الکریم کی آمد کے موقع پر انسانی مسائل کو ترجیحات میں سرفہرست قرار دینے اور قیدیوں کے تبادلہ میں پیشرفت سے یمن میں کشیدگی کے خاتمے اور قومی مفاہمت نظر آئے گی۔واضح رہے کہ انصاراللہ تحریک کے ترجمان اور یمنی قومی سالویشن حکومت کے سنئیر مذاکرات کار محمد عبدالسلام نے کہا ہے کہ یمن کی سپریم پولیٹیکل کونسل کے چیئرمین مہدی المشاط کی جانب سے پیش کیے گئے اقدامات کے ساتھ مثبت بات چیت اور جنگ بندی اور محاصرہ ختم کرنے اور یمن سے غیر ملکی افواج کا انخلا کے لیے مثبت ردعمل؛ قیام امن کی کلید ہے۔
واضح رہے کہ سعودی عرب نے 26 مارچ 2015 کو سوائے عمان کے 9دیگر عرب ممالک کی مددسے یمن پر زبردست حملے کیے ہیں۔ سعودی عرب کی قیادت والے اتحاد نے غریب ترین عرب ملک یمن کے خلاف بڑے پیمانے پر اس لیے جارحیت کا آغاز کیا تا کہ معزول صدر عبد المنصور ہادی کی واپسی کا بہانہ کر کے پنے اقتدار، مقاصد اور سیاسی عزائم کی تکمیل کے ارادوں کو عملی جامہ پہناسکے۔لیکن باوجود اس جارحیت کے سات سال گزر جانے کے باوجود سعودی عرب اپنے مقصد میں کامیاب نہیں ہو سکا اور یمنی فوج اور عوامی کمیٹیاں اپنی قوم کا دفاع کرتے ہوئے، جارح اتحاد اور اس کے اتحادیوں کو شدید ضربیں لگانے میں کامیاب ہورہی ہیں ۔
تصویر سوشل میڈیا