نیو یارک: اقوام متحدہ کے دفتر برائے رابطہ انسانی امور ( او سی ایچ اے) کی ایک نئی رپورٹ میں کہا گیا ہے کہ افغانستان میں ایسے لوگوں کی تعداد جنہیں انسانی امداد کی ضرورت ہے بڑھ کر 28.8 ملین ہو گئی ہے جبکہ 2023 کے آغاز میں یہ تعداد 28.3 ملین تک محدود تھی۔
رپورٹ میں کہا گیاہے کہ جون سے دسمبر 2023 کے درمیان، انسانی ہمدردی کے مستحقین کو ترجیحی بنیادوں پر 20 ملین لوگوں کو کثیر شعبہ جاتی امداد فراہم کرنے کے لیے 2.26 بلین ڈالر کی ضرورت ہے۔کابل کے ایک رہائشی محمد حسین نے کہا کہ اس وقت افغانستان کو شدید انسانی بحران اور معاشی مشکلات کا سامنا ہے کیونکہ افغانستان کے اربوں ڈالر کے غیر ملکی اثاثے منجمد ہیں۔میں گلی کوچوں میں پھیری لگانے آتا ہوں اور اللہ کی مہربانی سے میں 50 سے 100 افغانی کما لیتا ہوں اور کبھی کبھی ایک افغانی بھی نہیں کما پاتا۔کابل کے ایک رہائشی محمد موسیٰ نے کہا کہ ہم حکومت سے مطالبہ کرتے ہیں کہ وہ ہماری مدد کرے۔
معاشی ماہرین کا کہنا ہے کہ ملک میں انسانی بحران کو روکنے کے لیے معاشی مدد کی ضرورت ہے۔ ایک ماہر اقتصادیات سیار قریشی نے کہا کہ گذشتہ دو سالوں میں، زیادہ تر امداد انسانی مقاصد اور انسانی بحرانوں کے لیے تھی۔ بدقسمتی سے، اس دوران ایسی کوئی اقتصادی امداد نہیں ملی جو انسانی بحران کو کم کر سکے اور روزگار کے مواقع بھی پیدا کر سکے۔ دریں اثنا امارت اسلامیہ نے کہا کہ امارت اسلامیہ ملک میں غربت اور انسانی بحران کے خاتمے کے لیے ترقیاتی منصوبے شروع کرنے کی منصوبہ بندی کر رہی ہے۔
اقتصادیات کے نائب وزیر عبد اللطیف نظری نے کہا کہ امارت اسلامیہ کا منصوبہ غربت میں کمی، برآمدات میں بہتری اور قومی اقتصادی منصوبوں کو تقویت دینے کے ساتھ ساتھ نقل و حمل اور آمد و رفت کے مقامات کو تیزی سے مضبوط بنانے کا ہے۔ دریں اثنا، رائٹرز نے بتایا کہ اقوام متحدہ اور انسانی ہمدردی کے اداروں نے 2023 کے لیے افغانستان کے امدادی منصوبے کے بجٹ کو 3.2 بلین ڈالر کر دیا ہے جو کہ سال کے آغاز میں 4.6 بلین ڈالر سے کم ہے۔
تصویر سوشل میڈیا