خرطوم: سوڈانی ڈاکٹرز یونین نے بدھ کو کہا کہ ملک بھر میں سوڈانی مسلح افواج اور سریع الحرکت سلامتی دستوں کے درمیان مسلح جھڑپوں میں عام شہریوں کی ہلاکتوں کی تعداد بڑھ کر 958 ہو گئی ہے۔ غیر سرکاری تنظیم نے یہ بھی بتایا کہ ان تصادموں میں عام شہریوں کے زخمی ہونے کی تعداد 4,746 ہو گئی ہے۔
اقوام متحدہ کے دفتر برائے رابطہ انسانی امور (او سی ایچ اے) نے منگل کو اپنی تازہ ترین رپورٹ میں کہا کہ 15 اپریل سے جب سے کہ تنازعہ شروع ہوا ہے اب تک 1.9 ملین سے زیادہ لوگ سوڈان کے اندر اور باہر محفوظ مقامات پر نقل مکانی کر چکے ہیں۔
اس نے اقوام متحدہ کی پناہ گزین ایجنسی کا حوالہ دیتے ہوئے مزید کہا کہ 6 جون تک سوڈان کے اندر 1.4 ملین اندرونی طور پر بے گھر ہوئے اور 8 جون تک تقریباً 460,000 افراد جن میں مہاجرین، پناہ کے متلاشی اور واپس آنے والے شامل ہیں، پڑوسی ممالک میں داخل ہو چکے ہیں۔ او سی ایچ اے کے مطابق جن ممالک میں سوڈانیوں نے نقل مکانی کی ہے ان میں وسطی افریقی جمہوریہ، چاڈ، مصر، ایتھوپیا اور جنوبی سوڈان شامل ہیں۔
تصویر سوشل میڈیا