دوشنبے:ایران، جو اپنے وسیع و عریض پڑوس میں ہندوستان کے پڑوسیوں میں سے ایک ہے، باضابطہ طور پر شنگھائی تعاون تنظیم (ایس سی او) کا مکمل رکن بن گیا ہے۔ وزیر اعظم نریندر مودی نے،جنہوں نے منگل کو شنگھائی تعاون تنظیم کے سربراہی اجلاس کی عملی طور پر صدارت کی، کہا کہ ایران تنظیم کے نئے رکن کے طور پر شامل ہونے جا رہا ہے۔ انہوں نے بیلاروس کی ایس سی او کی رکنیت کے لیے یادداشت پر دستخط کا بھی خیر مقدم کیا۔ مجھے خوشی ہے کہ آج ایران ایس سی او فیملی میں نئے ممبر کے طور پر شامل ہونے جا رہا ہے۔
وزیر اعظم مودی نے سربراہی اجلاس میں مزید کہا کہ اس کے لیے میں صدر ابراہیم رئیسی اور ایران کے عوام کے لیے نیک خواہشات کا اظہار کرتا ہوں۔ اس کے علاوہ، ہم بیلاروس کی ایس سی او کی رکنیت کے لیے یادداشت پر دستخط کیے جانے کا خیرمقدم کرتے ہیں۔ایران نے در اصل 15 سال قبل اس اتحاد میں شامل ہونے کی درخواست کی تھی۔
ایس سی او کی رکنیت کے لیے ایک سخت عمل سے گذرنا ہوتا ہے۔ 2021 میں، ایران کی وزارت خارجہ نے اعلان کیا کہ وہ نویں رکن کے طور پر ایس سی او میں مشاہد رکن کے طور پر شامل ہوگئے ہیں جس کا باضابطہ اعلان رواں سربراہ اجلاس میں کیا گیا اور اسلامی جمہوریہ ایران شنگھائی تعاون تنظیم کا باقاعدہ نواں رکن بن گیا۔ تاجکستان کے دارالحکومت دوشنبے میں ایس سی او کے اکیسویں سربراہی اجلاس کے اختتام پر تنظیم کے آٹھ اہم رکن ممالک کے رہنماو¿ں نے اسلامی جمہوریہ ایران کی رکنیت کو مشاہد رکن سے مکمل رکن بنانے پر اتفاق کیا اور متعلقہ دستاویزات پر دستخط کیے۔
تصویر سوشل میڈیا