ریاض:(اے یو ایس ) سعودی عرب نے اومیکرون کے پیش نظر اپنے شہریوں کے لیے سفری ایڈوائزری جاری کی ہے ۔ اس ضمن میں مملکت کی پبلک ہیلتھ اتھارٹی وقایا نے ٹویٹر پر اپنے اکاو¿نٹ پر ایک پیغام بھیجا ہے جس میں شہریوں سے کہا گیا ہے کہ وہ سعودی عرب سے باہر غیر ضروری سفر سے گریز کریں۔
خاص طور پر زیادہ خطرے والے ممالک کے سفر پر نہ جائیں جہاں ان دنوں کرونا کی نئی شکل اومیکرون کے تیزی کے ساتھ پھیلنے کے خطرات سامنے آئے ہیں۔’وقایا‘ کا کہنا ہے کہ دنیا کے کئی ممالک میں کرونا کی اس نئی قسم کے پھیلاؤ میں تیزی آئی ہے جس کے بعد احتیاطی تدابیر کو سخت کرنے کی اشد ضرورت ہے اور ان ملکوں میں سماجی سرگرمیاں معطل کر دی ہیں۔
“وقایا” نے ہدایت کی ہے کہ سعودی عرب سے باہر سے آنے والے مسافر، چاہے شہری ہوں یا غیرملکی ،ویکسین لگوانے کے باوجود وہ پانچ دنوں کے لیے سماجی رابطے سے گریز کریں اور اپنا کوویڈ 19 کا معائنہ کرائیں اور درجہ حرارت چیک کرائیں۔
تصویر سوشل میڈیا