نئی دہلی ،(اے یوایس )دہلی کے جنتر منتر پر پہلوانوں کے احتجاج کے درمیان بڑی خبر سامنے آ گئی۔ دراصل، ہندوستانی ریسلنگ فیڈریشن کے انتخابات کو روک دیا گیا ہے۔ وزارت کھیل نے ریسلنگ ایسوسی ایشن کے انتخابات پر پابندی لگانے کا فیصلہ کیا ہے۔ ادھر دہلی میں پہلوان ساکشی ملک، بجرنگ پونیا اور ونیش پھوگاٹ نے پریس کانفرنس کی جس میں انہوں نے ریسلنگ فیڈریشن آف انڈیا کے صدر پر سنگین الزامات لگائے۔انہوں نے کہا کہ ہم نے ہمیشہ حق کی جنگ لڑی ہے۔
ایک خاتون کھلاڑی کی حیثیت سے ریسلنگ کا راستہ بہت مشکل ہے لیکن ہم بیوقوف نہیں بنیں گے۔ انہوں نے کہا کہ ہم نہ الیکشن لڑنا چاہتے ہیں اور نہ ہی وزیراعظم بننا چاہتے ہیں اس لیے سپریم کورٹ گئے تاکہ ہمیں انصاف ملے۔ ونیش پھوگاٹ نے کہا کہ شکایت کو تین دن ہوچکے ہیں لیکن ایف آئی آر درج نہیں ہوئی ہے۔ ہمیں پوری امید ہے کہ سپریم کورٹ ہمیں انصاف دلائے گی۔
ریسلر وینیش پھوگاٹ نے کہا کہ متاثرہ کھلاڑی سپریم کورٹ میں پیش ہوں گے۔ کسی لڑکی کو بند کمرے میں بلا کر اسے پکڑنا کیا ہے؟ اس کے ساتھ ہی ببیتا پھوگٹ نے کہا کہ جس طرح ملک کی تمام سیاسی جماعتوں سے تعلق رکھنے والے لوگ جب ہم اپنے تمغے لے کر آتے ہیں تو ہمارا استقبال کرنے آتے ہیں، اسی طرح انہیں ہماری پریشانی میں بھی ہماری خیریت دریافت کرنے کے لیے آنا چاہیے۔ یہ معاملہ ہریانہ یا اتر پردیش کا نہیں بلکہ ملک کا، کھلاڑیوں کا ہے۔
تصویر سوشل میڈیا