پٹنہ: بہار میں 8 سینئر آئی اے ایس افسران کا تبادلہ کردیا گیا ہے۔ ارون کمار سنگھ ریاست کے نئے چیف سکریٹری مقرر کئے گئے ہیں۔ 1985 بیچ کے آئی اے ایس ارون سنگھ نے اپنے نئے عہدے کا پیر کو چارج سنبھال لیا۔ اس سے پہلے وہ ڈیولپمنٹ کمشنر تھے۔ موجودہ چیف سکریٹری دیپک کمار کی مدت ِ کار اتوار 28 فروری کو ختم ہوگئی۔
اسی کے ساتھ ہی محکمہ داخلہ کے ایڈیشنل چیف سکریٹری عامر سبحانی کو ارون کمار سنگھ کی جگہ ڈیولپمنٹ کمشنر کا عہدہ دیا گیا ہے۔ اسی کے ساتھ ہی چیتنیہ پرساد کو اگلے احکامات تک محکمہ آبی وسائل سے پرنسپل سکریٹری ہوم ڈپارٹمنٹ میں منتقل کردیا گیا ہے۔
چیتنیہ پرساد رجسٹریشن پروڈکٹس اور انسدادالکحل کے پرنسپل سکریٹری کا اضافی چارج برقرار رکھیں گے۔ اس کے علاوہ آرٹ کلچر ڈیپارٹمنٹ کے پرنسپل سکریٹری روی منو بھائی پرمار کو محکمہ آبی وسائل کا پرنسپل سکریٹری بنا دیا گیا۔ سنتوش کمار مل کو محکمہ انفارمیشن ٹکنالوجی کا سکریٹری بنایا گیا ہے۔
تصویر سوشل میڈیا