لہاسہ: تبت پر تسلط جمانے کے لیے چین مسلسل بدھ مت کو ختم کرنے میں مصروف ہے۔ درحقیقت چین ما کے ثقافتی انقلاب کے بعد سے مسلسل بدھ مت کو نشانہ بنا رہا ہے۔ چینی صدر شی جن پنگ کے دور میں بھی بدھ مت کے پیروکاروں پر ظلم و ستم کا سلسلہ جاری ہے۔ چین تبتیوں کے عقیدے اور لوگوں کے اپنی روایات کو برقرار رکھنے کے حق کو تباہ کرنے کے لیے بدھ مت کے مجسموں کو تباہ کر رہا ہے۔
تبت پریس کی رپورٹ کے مطابق، شی جن پنگ حکومت نے دسمبر 2021 سے تبت میں بدھ مت کے تین مجسموں کو تباہ کیا ہے۔ گزشتہ دنوں کئی مقامات پر تبتی خانقاہوں کو مسمار کر دیا گیا ہے اور راہبوں پر مختلف پابندیاں عائد کر دی گئی ہیں۔ رپورٹ میں کہا گیا کہ بدھ مت کے مجسموں کو تباہ کرنے کا چین کا مقصد تبتیوں کے عقیدے اور تبتی روایات کے تحفظ کے ان کے حق کو ختم کرنا ہے۔رپورٹ کے مطابق چین نے حالیہ دنوں میں جارحانہ موقف اختیار کیا ہے کیونکہ تبتی بدھ مت کے گرو دلائی لامہ نے واضح طور پر کہا ہے کہ ان کی موت کے بعد ان کا اوتار بھارت میں ملے گا۔ انہوں نے یہ بھی کہا کہ چین کی طرف سے نامزد کردہ کسی اور جانشین کو قبول نہیں کیا جائے گا۔
واضح ہو کہ تبتی بدھ مت کو چینی حکومت کے لیے موزوں بنانے کی کوشش میں چینی کمیونسٹ پارٹی ایک چینی نڑاد کو آگے بڑھانے کی کوشش کر رہی ہے۔رپورٹ کے مطابق چین نیپال میں گوتم بدھ کی جائے پیدائش لمبینی کو ترقی دینے میں فعال کردار ادا کرنے کی کوشش کر رہا ہے۔ اس کے ساتھ ہی چین نیپال کی حکومت کو ایک ہوائی اڈہ، ہائی وے، کنونشن سینٹر اور بدھ یونیورسٹی کی تعمیر کے لیے تین ملین امریکی ڈالر کی مدد کر رہا ہے۔ تبت پریس نے اطلاع دی ہے کہ چین بھارت میں بودھ گیا کے ماڈل پر لمبینی کو ترقی دے رہا ہے۔
تصویر سوشل میڈیا