ریاض:(اے یو ایس) خادم الحرمین الشریفین شاہ سلمان بن عبدالعزیز آل سعود کے مشیر خاص شہزادہ خالد الفیصل کی جانب سے مختلف عرب ممالک کے ممتاز شعرا کرام کا اعزازو اکرام کیا اور شاعری کے مقابلے میں بہترین کار کردگی کا مظاہرہ کرنے پرانہیں بیش قیمت نقد انعامات سے بھی نوازا۔
العربیہ ڈاٹ نیٹ کے مطابق گورنر مکہ شہزادہ خالد الفیصل کے گورنر ہاﺅس میں ہونے والے شاعرے کے مقابلے میں مجموعی طور پر شعرا کرام میں ایک ملین ریال سے زاید کے نقد انعامات تقسیم کیے گئے۔ تقریب تقسیم انعامات میں موقع پر شہزاد خالد الفیصل نے بھی اپنا کلام پیش کیا۔اس موقعے پر سعودی عرب کے وزیر برائے ثقافت شہزادہ بدر بن عبداللہ بن فرحان اور وزیر تعلیم ڈاکٹر حمد آل الشیخ نے شرکا میں انعامات تقسیم کیے۔
شاعری کے مقابلے میں پہلا انعام سعودی شاعر اور ادیب عبداللطیف بن یوسف المبارک کو ملا جس کی مالیت 5 لاکھ ریال تھی۔ اس کے بعد مصر کے تھیٹر اور ڈرامہ کے شاعرمحمد عبدالرزاق کو انعام کے طور پر دو لاکھ ریال کا چیک دیا گیا۔سعودی عرب کی خاتون شاعرہ ھیفا بنت عبدالرحمان الجبری کو 2 لاکھ اور متحدہ عرب امارات کے شاعر کو ایک لاکھ ریال کا انعام دیا گیا۔
اس موقع پر خطاب کرتے ہوئے شعرا کرام نے سعودی عرب بالخصوص خادم الحرمین الشریفین اور ولی عہد شہزادہ محمد بن سلمان کی علمی اور ادبی خدمات اور علم وادب کے میدان میں کام کرنے والے لوگوں کی قدر دانی کی تعریف کی۔
تصویر سوشل میڈیا