نئی دہلی: (اے یو ایس ) شیئر بازار میں جمعرات کو بھاری گراوٹ ہوئی جس سے سرمایہ کاروں کو پانچ لاکھ کروڑ روپے کا نقصان ہوا ہے۔ سینسیکس۔ نفٹی 52 ہفتے کی نچلی سطح پر بند ہوئے۔
سینسیکس اور نفٹی میں لگاتار پانچویں دن اچھا کاروبار دیکھنے میں آیا۔ کاروبار کے آخر میں سینسیکس 1045.60 پوائنٹس یعنی 1.99 فیصدی گراوٹ کے ساتھ 51,495.79 کی سطح پر بند ہوا۔ وہیں نفٹی 331.55 پوائنٹس یعنی 2.11 فیصدی ٹوٹ کر 15360.60 کی سطح پر بند ہوا۔
بدھ کو بازار بند ہونے پر بی ایس ای میں لسٹیڈ شیئروں کا مارکیٹ کیپ 244.65 لاکھ کروڑ روپے تھا جو جمعرات کو بازار میں بھاری بکری کے پیش نظر کم ہوکر 239.20 لاکھ کروڑ روپے پر آ گیا۔ اس طرح ایک دن پہلے سے موازنہ میں سرمایہ کاروں کو تقریبا پانچ لاکھ کروڑ روپے کا نقصان ہوا ہے۔ شیئر بازار میں مچے کہرام کی بڑی وجہ وی ایس فیڈ ریزرو کے فیصلے ہیں۔
دراصل آسمان پر پہنچی مہنگائی کو زمین پر لانے کیلئے امریکہ کے مرکزی بینک فینڈرل ریزرو نے بدھ دیر رات شرح سود میں 0.75 فیصدی کا اضافہ کیا۔ یہ 28 سال میں سب سے زیادہ ہے۔ فیڈ ریزرو کے چیئرمین جیروم پاویل نے مستقبل میں بھی ایسے ہی اضافے کا اشارہ دیا ہے۔
تصویر سوشل میڈیا