چیچنیا: (اے یو ایس ) تقریبا دو ماہ قبل یوکرین میں روس کے فوجی آپریشن کے آغاز کے بعد سے کئی بار اپنے ٹیلی گرام اکاو¿نٹ پر یوکرین میں لڑائی میں چیچن فورسز کی شرکت کے حوالے سے بیان دیتے رہنے والے چیچن سربراہ رمضان قدیروف نے پیر کے روز اپنے تازہ ترین بیان میں کہا کہ روسی صدر ولادی میر پوتین کے حلف نے باور کرایا کہ روسی افواج یوکرین کے جنوب مشرق میں محصور ساحلی شہر ماریوپول ، دارالحکومتقیف اور دیگر شہروں پر حملہ کریں گی۔
ٹیلی گرام پر جاری وڈیو پیغام میں انہوں نے مزید کہا کہ پہلے لوجاسک اور دونیسک پر مکمل کنٹرول حاصل کیا جائے گا پھر اس کے بعد قیف اور دیگر تمام شہروں کا کنٹرول سنبھالا جائے گا ۔قدیروف گذشتہ ماہ مارچ کے وسط میں ایک تصویر میں تقریبا 30 مسلح افراد کے بیچ نظر آئے تھے۔ اس تصویر کے بارے میں دعوی ٰکیا گیا تھا کہ یہ یوکرین کے شہر ماریوپول کی ہے۔
روس کے ہمنوا رمضان قدیروف جنگ شروع ہونے کے بعد اپنی کئی ریکارڈ شدہ وڈیوز جاری کر چکے ہیں۔ ان وڈیوز میں وہ اپنے فوجیوں کی قیف کے نازیوں کے سامنے بہادری کو سراہتے ہیں۔یوکرین میں روس کے فوجی آپریشن کا آغاز 24 فروری کو ہوا تھا۔ بحیرہ آزوف پر واقع ماریوپول شہر روس کا تزویراتی ہدف ہے۔ بالخصوص اس پر قبضہ کر لینے سے مشرق میں روس کے ہمنوا علاحدگی پسندوں کے زیر کنٹرول علاقوں کو جنوب میں جزیرہ نما قرم کے ساتھ مربوط کیا جا سکے گا۔ روس نے 2014میں قرم کو اپنی حدود میں شامل کر لیا تھا۔
تصویر سوشل میڈیا