ماسکو:(اے یو ایس ) روس کے سرکاری میڈیا کے لیے کام کرنے والی ایک صحافیہ کریمیا کے ایک تربیتی مرکز میں فائرنگ کی مشق کے دوران ہلاک ہو گئی ہیں۔ خیال رہے کہ روس نے جزیرہ کریمیا کو 2014 میں ضم کرلیا تھا۔میڈیا آو¿ٹ لیٹ اور روسی خبر رساں ایجنسیوں کے مطابق سویتلانا بابائیفا جو کریمیا میں روس-سِگڈونیا گروپ کی شاخ چلاتی تھیں کریمیا کے ایک فوجی تربیتی مرکز میں فائرنگ کی مشق کے دوران گولی لگنے سے ہلاک ہوگئی ہیں۔
کئی سال تک بابائیفا نے اس عوامی گروپ میں کام کیا، جس میں RIA نووستی نیوز ایجنسی بھی شامل ہے۔ ساتھ ہی اس کا کام سپوتنک گروپ میں بھی رہا ہے اور وہ لندن اور امریکہ میں میڈیا کے مختلف عہدوں پر فائز رہ چکی ہیں۔دمتری کیسیلیوف جو اس گروپ کو چلاتے ہیں اور روسی پروپیگنڈے کے ستونوں میں سے ایک سمجھے جاتے ہیں، نے ساتھی صحافیہ کی ہلاکت پر افسوس کا اطہار کوتے ہوئے مقتولہ کو روس دوست قرار دیا۔ انہوں نے کہا کہ ہماری مقتولہ ساتھی روس کی مضبوط دوست اور یوکرین جنگ میں ہماری بہترین حامی تھی۔
تصویر سوشل میڈیا