اقوام متحدہ: سترہ ممالک کو اقوام متحدہ کی اقتصادی اور سماجی کونسل (ای سی او ایس او سی) کے لیے منتخب کیا گیا ہے۔ ان ممالک کی ، جن کا انتخاب گذشتہ جمعہ کو کیا گیا تھا، مدت کار تین سال ہوگی جو یکم جنوری2023سے مانی جائے گی۔ ای سی او ایس او سی اقتصادی اور سماجی کاموں اور اقوام متحدہ کی ایجنسیوں کے لیے فنڈز کے لیے رابطہ کار ادارہ ہے۔ان ممالک کو اقوام متحدہ کی جنرل اسمبلی میں موجود گی اور ووٹنگ کرنے والے رکن ممالک کی دو تہائی اکثریت کے ساتھ خفیہ ووٹنگ کے ذریعے منتخب کیا گیا تھا۔
جن ممالک کو ای سی او ایس او سی کے لیے منتخب کیا گیا ہے ان میں افریقی ممالک بوتسوانا، کیپ ورڈے، کیمرون، اکویٹوریل گنی، ایشیا پیسیفک ممالک سے چین، لاو¿س، قطر،جنوبی کوریا، لاطینی امریکہ اور کیریبیائی ممالک سے برازیل، کولمبیا،کوسٹا ریکا، مغربی یورپی اور دیگر ممالک سے ڈنمارک ، یونان، نیوزی لینڈ،سویڈن، مشرقی یورپی ممالک سے سلوواکیہ اور سلووینیا شامل ہیں ۔
تصویر سوشل میڈیا