کولمبو (سری لنکا) (اے این آئی): ہندوستانی ہائی کمیشن واقع سری لنکا نے توار کے روز ایک سرکاری بیان میں بتایا کہ سری لنکا نے 2014-15 میں توسیع شدہ 318 ملین یو ایس ڈی کے لائن آف کریڈٹ (ایل او سی) کے تحت ہندوستان کی طرف سے فراہم کی گئی اے سی ٹرین کے ٹرائلز کو کامیابی سے مکمل کر لیا ۔
ہندوستانی ہائی کمیشن کے عہدیداروں نے ریل انڈیا ٹیکنیکل اینڈ اکنامک سروس اور سری لنکن ریلوے کے نمائندوں کے ساتھ 18 فروری 2022 کو سری لنکا میں ایک ایئر کنڈیشنڈ ٹرین اے سی ڈیزل ملٹیپل یونٹ (ڈی ایم یو )] میں اس کے کامیاب ٹرائل کے دوران سفر کیا بیان میں مزید کہا گیا ہے، سری لنکا کی حکومت کی درخواست اور ضروریات کے مطابق ریلوے رولنگ اسٹاک کی فراہمی، ریلوے ٹریکس کی اپ گریڈیشن اور دیگر باہمی پراجکٹوں کے لیے 318 ملین امریکی ڈالر کی ایل او سی کو2014-15میں حتمی شکل دی گئی تھی۔
سری لنکا میں ہندوستانی ہائی کمیشن نے ہندوستان سری لنکا تعاون کی ستائش کرتے ہوئے ایک ٹویٹ میں ٹرین کے ٹرائل رن کی تصاویر پوسٹ کیں۔ ” ہائی کمیشن نے ٹویٹ میں مزیدکہا کہ گوں کو قابل بھروسہ اور عالمی معیار کی ریلوے سہولتیں فراہم کرنے کے لیے ہندوستان سری لنکا تعاون پر فخر ہے۔واضح ہو کہ حال ہی میں ہندوستان نےسری لنکا کے وزیر خارجہ جی ایل پیریز کے 6 سے 8 فروری تک ہندوستان کے دو روزہ سرکاری دورے کے بعد سری لنکا کو 2.4 بلین امریکی ڈالر کی مالی امداد بھی فراہم کی ہے
تصویر سوشل میڈیا