واشنگٹن:(اے یو ایس ) امریکہ نے یوکرین کے لیے 275 ملین ڈالر مالیت کی نئی جنگی امدادی کھیپ کا اعلان کر دیا جس سے اب تک یوکرین کے لیے امریکہ کی مجموعی فوجی امداد ساڑھے اٹھارہ ارب ڈالر ہو گئی ۔ امریکہ کی طرف سے یہ جنگی امداد جنوری 2021 سے لے کر اب تک دی گئی ہے۔امریکی وزیر خارجہ انٹونی بلنکن نے کہا مجھے صدر نے اپنے چوبیسوٰیں ڈرا ڈاون اختیار کے تحت دی گئی اجاز ت کے تحت یہ اعلان کر رہا ہوں۔ اگست 2021 سے اب تک یوکرین کے لیے ڈرا ڈاون کے حوالے سے امداد دی جارہی ہے۔’بلنکن نے مزید کہا ڈرا ڈاون کے تحت یوکرین کو دی جانےوالی یہ امداد پینٹا گون کی انوینٹریز میں سے ہے۔ ہم یوکرین کو فضائی دفاع کا نطام دینے کے لیے بھی کوشش اور تیاری کر رہے ہیں۔
اس سلسلے میں امریکی فضائی دفاع کے سسٹم این اے ایس اے ایم ایس کے دو ابتدائی یونٹ تیار کیے جا چکے ہیں جو یوکرین کے اگلے ماہ حوالے کر دیے جائیں گے۔’وزیر خارجہ نے یہ بھی کہا ہے کہ امریکہ اپنے اتحادیوں کے ساتھ مل کر اس معاملے پر بھی کام کر رہے ہیں کہ امریکی اتحادی ممالک اپنا دفاعی نظام بھی یوکرین کو فراہم کریں۔واضح رہے روس نے رواں سال 24 فروری کو یوکرین پر حملہ کیا تھا۔ تب سے اب تک اسے اربوں دالر کی امداد دی جا چکی ہے۔پینٹا گون کی ڈپٹی پریس سیکرٹری سبرینا سنگھ نے بتایا تھا کہ اس امدادی پیکج میں ایچ آئی ایم اے آر ایس 155 ایم ایم توپ کے گولوں کو بھی شامل کیا گیا ہے۔ اسی طرح ٹینک شکن سسٹم اور دوسرا چھوٹا اسلحہ بھی شامل ہے۔ چار سیٹلائٹ انٹیناز بھی اس فوجی امدادی پیکج میں شامل کیے گئے ہیں۔
تصویر سوشل میڈیا