اسلام آباد: پاکستان کے بلوچستان میں صوبائی حکومت نے رواں ہفتے مظاہرین کے ساتھ پرتشدد جھڑپوں میں ایک پولیس اہلکار کی ہلاکت کے بعد بندرگاہی شہر گوادر میں کرفیو نافذ کر دیا ہے اور مظاہروں پر پابندی عائد کر دی ہے۔ یہ اطلاع جمعہ کو ایک سرکاری بیان میں دی گئی۔مولانا ہدایت الرحمن کی قیادت میں ایک تنظیم حق دو تحریک (ایچ ڈی ٹی) سے تعلق رکھنے والے مظاہرین تقریبا دو ماہ سے مقامی ماہی گیروں کی جگہ مشینی کشتیوں کے ذریعے غیر قانونی ماہی گیری کے خلاف احتجاج کر رہے ہیں۔
اس علاقے کے مقامی ماہی گیر نسل در نسل اپنی روزی روٹی کے لیے ماہی گیری کے کاروبار پر منحصر ہیں۔ عام طور پر پرامن مظاہرے اس ہفتے پرتشدد ہو گئے جب پولیس نے مظاہرین کو منتشر کرنے کی کوشش کی، جس کے نتیجے میں منگل کو ایک پولیس اہلکار ہلاک ہو گیا۔پولیس کے ترجمان اسلم خان نے بتایا کہ ہاشمی چوک پر مظاہرے کے دوران تشدد پھوٹ پڑنے کے بعد کانسٹیبل یاسر کو گردن میں گولی لگی اور وہ موقع پر ہی دم توڑ گیا۔ بلوچستان کے وزیر داخلہ میر ضیا اللہ لانگو نے کہا کہ صوبائی حکومت پہلے ہی ایچ ڈی ٹی کے تمام مطالبات مان چکی ہے اور احتجاج کی کوئی وجہ نہیں ہے۔
تصویر سوشل میڈیا