کابل: افغانستان کے ہوائی اڈوں کا ٹھیکہ لینے کے حوالے سے بات کرنے کے لیے ایک وفدکو قطر روانہ ہوئے چار روز گزر چکے ہیں لیکن تاحال کوئی اطلاع نہیں مل سکی۔اس کے باوجود حکام نے ہوائی اڈے کے نظم و نسق سے متعلق جلد ہی کسی حتمی معاہدے تک رسائی کی امید ظاہر کی۔
وزارت خارجہ نے کہا کہ قائم مقام وزیر خارجہ امیر خان متقی کی قیادت میں امارت اسلامیہ کے وفد نے قطر کے نائب وزیراعظم اور وزیر خارجہ شیخ محمد بن عبدالرحمٰن الثانی سے ملاقات کی اور سیاسی و اقتصادی امور اور افغان امن عمل پر تبادلہ خیال کیا۔ امارت اسلامیہ کے نائب ترجمان بلال کریمی نے کہا کہ مذاکرات جاری رکھنے میں ہم امید کرتے ہیں کہ ایک سیاسی حل تلاش کیا جائے گا ۔
دریں اثنا، ماہرین کا خیال ہے کہ ہوائی اڈوں کی حفاظت کو برقرار رکھنا ممکنہ طور پر فریقین کے درمیان متنازعہ نقطہ ہو گا۔ سابق نائب وزیر نقل و حمل محمد وریماچ نے کہا سکیورٹی اور تکنیکی مسائل بنیادی مسائل ہو سکتے ہیں، کیونکہ سیکورٹی اور تکنیکی امور کے لیے پیشہ ورانہ اور تربیت یافتہ فورسز کی ضرورت ہوتی ہے امارت اسلامیہ کی سرحدی افواج ایسا کرنے کی اہل نہیں ہیں اور وہ (دوسری طرف سے) تمام سیکورٹی امور امارت اسلامیہ کے حوالے نہیں کر سکتے۔
تصویر سوشل میڈیا