صنعا:(اے یو ایس)یمن میں آئینی حکومت کے حامی عرب اتحاد کے مطابق اتوار اور پیر کی درمیانی شب الجوف صوبے میں بیلسٹک میزائل داغنے کے ایک لانچنگ پیڈ کو تباہ کر دیا گیا۔عرب اتحاد نے واضح کیا کہ یہ کارروائی شہریوں کو دشمن کے حملوں سے بچانے کے لیے کی گئی ۔عرب اتحاد نے ہفتے کو علی الصباح صنعاءاور دیگر صوبوں میں عسکری اہداف کو نشانہ بنانے کے لیے فوجی آپریشن شروع کیا۔اس سے قبل “الیمن السعید” بریگیڈز نے حجہ صوبے میں حرض شہر کو حوثیوں کے ذریعہ بچھائی گئی ہزاروں بارودی سرنگوں سے پاک کیا۔
اس بات کی تصدیق کی گئی ہے کہ آزاد کرائے گئے علاقوں میں انسانی اور امدادی کارروائیاں بارودی سرنگوں کو ناکارہ بنائے جانے کے عمل کے بعد شروع کی جائیں گی۔عرب اتحاد نے گذشتہ 24 گھنٹوں کے دوران میں مارب اور حجہ میں حوثی ملیشیا کے خلاف 16 کارروائیاں کیں۔ ساتھ ہی یمنی فوج نے ملیشیا کے ٹھکانوں پر شدید گولہ باری اور راکٹ باری کی۔ اتحادی طیاروں نے حوثیوں کے جتھوں کو نشانہ بنایا۔یمن میں آئینی حکومت کی فوج نے گذشتہ ہفتوں کے دوران میں شبوہ ، مارب اور حجہ کے محاذوں پر قابل ذکر پیش قدمی کو یقینی بنایا ہے۔ اس دوران حوثیوں کو بھاری جانی و مادی نقصان اٹھانا پڑا۔
تصویر سوشل میڈیا