عمران خان اقتدار کی ہوس میں پاگل ہو رہے ہیں:سابق صدر زرداری

اسلام آباد: عمران خان پر درپردہ حملہ کرتے ہوئے، پاکستان کے سابق صدر آصف علی زرداری نے کہا کہ سابق وزیر اعظم کی اقتدار کی خواہش انہیں پاگل کیے دے رہی ہے ۔ ان کا یہ ریمارکس دو دن بعد آیا جب حکام نے خان کے خلاف گزشتہ ہفتے یہاں ایک ریلی میں پولیس، عدلیہ اور دیگر سرکاری اداروں کو دھمکیاں دینے پر دہشت گردی سے متعلق الزامات عائد کیے تھے۔پاکستان پیپلز پارٹی (پی پی پی) کی جانب سے جاری بیان کے مطابق آصف زرداری نے سندھ کے وزرا سے ملاقات کے دوران کہا کہ اس ہنگامی صورتحال میں تمام صوبے ہماری طرف دیکھ رہے ہیں، لیکن ایک شخص ایسا ہے جس کی اقتدار کی ہوس اسے پاگل بنا رہی ہے ۔

پی پی پی کے شریک چیئرمین نے کہا کہ یہ شخص ہر روز ہماری فوج کو نشانہ بنا رہا ہے، یہ وہی فوج ہے جو دہشت گردوں کا مقابلہ کر رہی ہے اور ملک کی خاطر جانیں قربان کر رہی ہے۔یہ حالیہ بیانات کے پس منظر میں سامنے آیا ہے ۔زرداری نے حکومت سے اپنی اتھارٹی قائم کرنے کا مطالبہ کیا اور متنبہ کیا کہ ورنہ اداروں پر ان کے حملے جاری رہیں گے۔ہفتہ کو یہاں ایک ریلی میں خان نے اسلام آباد کے انسپکٹر جنرل آف پولیس اور ڈپٹی انسپکٹر جنرل آف پولیس کے خلاف مقدمات کے اندراج کا مطالبہ کیا۔ دھمکی دی اور کہاہم تمہیں نہیں چھوڑیں گے۔ انہوں نے عدلیہ کو اپنی پارٹی کے ساتھ امتیازی رویے پر خبردار کیا تھا اور کہا تھا کہ اسے نتائج کے لیے تیار رہنا چاہیے۔