پشاور: گلگت – بلتستان میں حکومتِ پاکستان کے خلاف لوگ سڑکوں پر نکل آئے ہیں اور کھل کر احتجاج کررہے ہیں۔ گلگت – بلتستان کے عوام کا مطالبہ ہے کہ غیر قانونی طور پر حراست میں رکھے گئے کارکنوں اور دیگر بے گناہوں کو رہا کیا جائے۔
مظاہرین نے مقامی انتظامیہ اور پاکستان کی وفاقی حکومت کے خلاف شدید نعرے بازی کرتے ہوئے کہا کہ گلگت- بلتستان کے لوگوں کو پاکستانی حکومت کے ذریعے بے رحمی سے پیٹا جارہا ہے۔ کسی بھی مطالبے یا اختلاف کو بے دردی سے دبایا جارہا ہے۔
مظاہرین نے متنبہ کیا کہ اگر نومبر میں طے شدہ انتخابات سے قبل تمام قیدیوں کو رہا نہیں کیا گیا تو وہ مزید مشتعل مظاہرے کرنے پر مجبور ہوجائیں گے۔
اس سے قبل ، کراچی کے گلگت- بلتستان یوتھ الائنس کے ایک رہنما نے بھی کہا تھا کہ جب تک تمام کارکنان کو جیلوں سے رہا نہیں کیا جاتا ، ہم ہار نہیں مانیں گے ۔ ہم سب گرفتار ہونے کے لئے تیار ہیں۔
مظاہرین کا کہنا تھا کہ ہم اسیران ہنجا کی رہائی کمیٹی کے اگلے مرحلے کا انتظار کر رہے ہیں ، جیسے ہی ہمیں اس کی منظوری مل جائے گی ، ہم ،ڈائمر ، ڈرول سے خنجیرب بارڈر تک ایک زبردست احتجاجی مظاہرہ کریں گے۔
ہم کراچی ، لاہور اور اسلام آباد میں بھی پر مظاہرہ کریں گے۔ اگر ضرورت ہوئی تو ہم ہڑتال پر جائیں گے۔ بتادیں کہ پاکستان نے 15 نومبر کو گلگت- بلتستان میں اسمبلی انتخابات کرانے کا اعلان کیا ہے۔
تصویر سوشل میڈیا