ریاض:(اے یو ایس ) سعودی عرب کی حکومت نے بیت اللہ کی زیارت اور عمرہ کی سعادت کے حصول کے لیے آنےوالے اللہ کے مہمانوں کی آسانی اور سہولت کے لیے ہر ممکن سروسز فراہم کر رکھی ہیں۔ ان خدمات میں بزرگ اور معذور افراد کے لیے برقی گاڑیوں کی سہولت بھی شامل ہے۔
رمضان المبارک 1443ھ کے دوران مسجد حرام میں ڈیڑھ لاکھ زائرین برقی گاڑیوں سے مستفید ہوں گے۔ رمضان المبارک کے دوران مجموعی طورپر 150900 زائرین کو برقی گاڑی کی سہولت فراہم کی جا رہی ہے۔یہ سروس صدارت عامہ برائے امور حرمین شریفین کی خدمات کی ڈیجیٹل اور تکنیکی تبدیلی کی عکاسی کرتی ہے جو مملکت کے ویژن 2030 تک مملکت میں زائرین کے لیے معیاری سروسز مصنوعی ذہانت سے استفادے کر اہداف کے مطابق ہے۔
مسجد حرام میں اسسٹنٹ ڈائریکٹر برائے سروسز امور اورایجنسی برائے خدمات اور فیلڈ امور،ماحولیاتی تحفظ کے میڈیا کوآرڈینیشن کے نگران منصور المنصوری نے کہا کہ حکومت مسجد الحرام اور اس کے زائرین کی خدمت میں تمام صلاحیتوں اور ٹیکنالوجی کو بروئے کار لانا چاہتی ہے۔انہوں نےکہا کہ بیت اللہ کے زائرین کے لیے 3000 الیکٹرک گاڑیاں اور 5000 وہیل بارز فراہم کی ہیں تاکہ بزرگ اور خصوصی ضروریات کے حامل افراد اپنی عبادت آسانی کے ساتھ کر سکیں۔
انتظامیہ نے ٹیکنالوجی اور جدید ٹیکنالوجی سمیت جدید سہولیات کے ذریعے زائرین کی ہرممکن مدد کا فیصلہ کیا ہے۔ شہری سمارٹ فونز کے ذریعے ایپلی کیشن کی مدد سے اپنے لیے برقی گاڑیاں بک کراسکتے ہیں۔المنصوری نے نشاندہی کی کہ الیکٹرک گاڑیوں کے استعمال کرنے والوں کی تعداد ڈیڑھ لاکھ سے زیادہ ہے اور ہاتھ سے چلائی جانے والی گاڑیوں کی تعداد 11580 تک پہنچ گئی ہے۔
تصویر سوشل میڈیا