واشنگٹن:(اے یو ایس ) یوکرین میں روسی فوجی آپریشن اپنے تیسرے مہینے میں داخل ہو رہا ہے۔ دوسری جانب وائٹ ہاو¿س نے زور دے کر کہا ہے کہ روسی صدر ولادیمیر پوتین نے ابھی تک دنیا کو ان پر اعتماد کرنے کی کوئی وجہ نہیں بتائی ہے۔امریکی انتظامیہ کے ایک سینیر اہلکار نے ایک پریس ریلیز میں کہا کہ امریکا روس پر عائد پابندیاں ہٹانے کے معاملے کے بارے میں نہیں سوچ رہا ہے۔بیان میں مزید کہا گیا ہے کہ واشنگٹن نے میز پر یوکرین کے بغیر روس کے ساتھ پابندیوں پر کوئی معاہدہ نہیں کیا ہے۔
انہوں نے مشورہ دیا کہ پابندیاں ہٹانے کے طریقے پر مارکیٹ کے حالات متاثر ہو سکتے ہیں۔وائٹ ہاو¿س کا یہ بیان ایک ایسے وقت میں سامنے آیا ہے جب کل اتوار کو گروپ آف سیون تمام رکن ممالک نے روسی تیل کی درآمدات پر بتدریج پابندی لگانے کا وعدہ کیا تھا۔اس فیصلے سے پوتین کی معیشت کو جو اہم ذریعہ ہے اسے شدید دھچکا لگے گا اور وہ ان محصولات سے محروم ہو جائیں گے جس کی انہیں اپنی جنگ کے لیے مالی اعانت کی ضرورت ہے۔خبررساں ادارے اے ایف پی کے مطابق اگرچہ ان کے بیان میں گروپ آف سیون کے ہر ایک رکن کی ذمہ داریوں کی وضاحت نہیں کی گئی، جس میں جرمنی (اس سال کے لیے گروپ کی سربراہی)، کناڈا، امریکا، فرانس، اٹلی، جاپان اور برطانیہ شامل ہیں۔
قابل ذکر ہے کہ گروپ آف سیون نے اس سال اپنا تیسرا اجلاس اتوار کو ویڈیو کانفرنس کے ذریعہ منعقد کیا۔ اس اجلاس میں یوکرین کے صدر ولادیمیر زیلنسکی نے بھی شرکت کی۔مغرب نے اب تک روس کے خلاف پابندیوں کا اعلان کرنے میں گہری ہم آہنگی کا مظاہرہ کیا ہے لیکن جب روسی تیل اور گیس کی بات آتی ہے تب ایسی ہم آہنگی نظر نہیں آتی ۔امریکا نے روسی ہائیڈرو کاربن کی درآمد پر پابندی لگا دی لیکن وہ ماسکو سے توانائی کا بڑا خریدار نہیں تھا۔اتوار کے روز یورپی یونین کے رکن ممالک نے روسی تیل پر پابندی عائد کرنے کے لیے مذاکرات جاری رکھے ۔
تصویر سوشل میڈیا