Covid-19 strain cases in India rise, ban on flights from and to Britain extends till 7 Janتصویر سوشل میڈیا

نئی دہلی :(اے یو ایس) برطانیہ سے ہندوستان منتقل ہونے والے کورونا وائرس اسٹرین سے متاثر مریضوں کی تعداد بڑھ کر 20 ہو گئی ہے۔

تاہم ابھی یہ واضح نہیں ہو سکا ہے کہ یہ 13 نئے مریض کس ریاست سے تعلق رکھتے ہیں۔ اس درمیان مرکزی حکومت نے برطانیہ جانے اور آنے والی فلائٹس پر پابندی میں سات جنوری 2021 تک توسیع کردی ۔ پہلے یوکے کی فلائٹس پر 31 دسمبر تک پابندی تھی۔

مرکزی وزیر برائے شہری ہوعا بازی ہردیپ سنگھ پوری نے یہ جانکاری دی۔ایک آفیشیل بیان میں ہردیپ سنگھ ہوری نے کہا، برطانیہ میں موجودہ حالات کے مدنظر حکومت ہند نے فیصلہ لیا ہے کہ برطانیہ سے ہندستان آنے والی سبھی پروازیں عارضی طور سے سات جنوری 2021 رات 11:59 بجے تک معطل رہیں گی۔ یہ معطلی 22 دسمبر کی شام 11.59 بجے شروع ہوئی۔

اس سے قبل ہردیپ سنگھ پوری نے کہا تھا کہ برطانیہ سے ہندوستان آنے والے تمام مسافروں کا آر ٹی پی سی آر ٹیسٹ کیا جائے گا اور انہیں 7 دن کے کورنٹائن میں لازمی طور سے رہنا پڑے گا۔

انہوں نے مزید کہا کہ عارضی معطلی کی تاریخ کا جائزہ لیا جائے گا۔ماہرین کے مطابق ، کوروناوائرس کا نیا اسٹرین پوری دنیا میں بہت تیزی سے پھیل رہا ہے۔

کہا جارہا ہے کہ اس نئی ‘قسم’ نے وائرس کو بڑھانے والے پروٹین میں تبدیلی کی ہے جس کے ذریعے یہ جسم کی خلیات پر آسانی سے حملہ کر دیتا ہے۔ اس کے تیزی سے پھیلنے کا سبب یہی ہے۔ برطانیہ سے لوٹے بیس مسافروں میں اب تک کورونا وائرس کا نیا اسٹرین پایا گیا ہے۔ اس سے پہلے گزشتہ دن بھی ملک کے مختلف حصوں سے چھ ایسے ہی معاملے سامنے آئے تھے۔

کولکاتہ میں کورونا وائرس کے نئے اسٹرین کا معاملہ آیا ہے۔ یوکے سے لوٹے ایک شخص میں اسٹرین کی علامت پائی گئی ہیں جسے اب کورنٹائن کر دیا گیا ہے۔ جینوم سیکوئیکنگ کے بعد اسٹرین کا پتہ لگا، شخص گزشتہ ہفتے ہی یوکے سے واپس آیا تھا۔

Leave a Reply

Your email address will not be published. Required fields are marked *