نئی دہلی: بالی ووڈ اداکارسوشانت سنگھ راجپوت کی مبینہ خودکشی کے بعد سوشل میڈیا پر مختلف معاملات پر بحث ہو رہی ہے۔ بالی ووڈفلم انڈسٹری سے وابستہ افراد سمیت تمام ممتاز شخصیات اقربا پروری، بیرونی۔ اندرونی افراد کے بارے میں بحث کر رہے ہیں۔
اس دوران اداکارہ پرینکا چوپڑانے بھی اس معاملے میں اپنی رائے دی ہے۔ بالی ووڈ سے ہالی ووڈ کا سفر طے کرنے والی اداکارہ پرینکا چوپڑا کا کہنا ہے کہ اقرباپروری (نیپوٹزم) کی وجہ سے ایک مرتبہ انہیں فلم سے نکال دیا گیا تھا جس کے لئے وہ بہت روئی تھیں۔
پرینکا چوپڑا نے مزید کہا ”یہاں ہر طرح کی چیزیں موجود ہیں۔ ایک ایسے کنبہ میں پیدا ہونا جس کی وراثت ہے، غلط نہیں ہے۔ بڑے اداکاروں کی نسل پر فیملی کے نام پر زندہ رہنے کا دباؤ ہوتا ہے۔ ہر فنکار کا اپنا ذاتی سفر ہوتا ہے۔ میرے وقت میں میں نے بہت نقصان اٹھایا ہے۔
مجھے ایک فلم سے باہر کردیا گیا تھا کیوں کہ پروڈیوسر نے میری جگہ کسی اور کی سفارش کی تھی۔ میں بہت روئی تھی اور آگے بڑھ گئی تھی۔ آخر کار جو لوگ کامیابی کی کہانیوں کے لئے ہیں وہ تمام تر مشکلات کے باوجود بھی بن جاتے ہیں ۔
