Ushna Shah not in favour of acting in domestic violence supporting dramasتصویر سوشل میڈیا

نئی دہلی: پاکستان کی نامور اداکارہ اشناشاہ نے سات سال قبل ڈرامہ انڈسٹری میں قدم رکھا اور اس دوران انہوں نے کئی مقبول عام ڈرامے کیے جن میں ‘بشر مومن’، ‘نیلم کنارے’، ‘تھوڑا سا آسمان’، ‘لشکارا’ اور ‘بلا’ شامل ہیں۔حال ہی میں ان کے ایک نئے ڈرامے ‘بندھے اک ڈور سے’ کا آغاز ہوا ہے جس میں وہ احسن خان اور حنا الطاف کے ساتھ کام کررہی ہیں۔

نئے ڈرامے ‘بندھے اک ڈور سے’ کی تشہیر کے دوران ایک خصوصی انٹرویو میں ا داکارہ اشنا شا ہ نے کہا کہ وہ ایسے ڈرامے کرنا چاہتی ہیں، جن میں گھریلو تشدد کو فروغ نہ ملے۔اس سے قبل اشنا شاہ نے ’بلا‘ نامی ایک ڈرامے میں منفی کردار بھی کیا تھا جس سے ان کو کافی شہرت ملی تھی۔ اس ڈرامے کو یاد کرتے ہوئے ان کا کہنا تھا کہ ‘منفی کردار کرتے ہوئے یہ ڈر ہوتا ہے کہ کہیں آپ پر اس کی چھاپ نہ لگ جائے، لیکن کیونکہ میں نے ابتدا ہی سے مثبت کردار ادا کیے ہیں، اس لیے میں ایک طرح کے کردار کرتے کرتے اکتا گئی تھی، میں ہر کردار کو علیحدہ علیحدہ دیکھتی ہوں، اسے مثبت یا منفی نہیں دیکھتی۔’

خیال رہے کہ اشنا شاہ کو ڈرامے میں پہلی بار شہرت ‘بشر مومن’ سے ملی تھی جس میں انہوں نے فیصل قریشی کے ساتھ کام کیا تھا، اس ڈرامے کو یاد کرتے ہوئے ان کا کہنا تھا کہ وہ شکرگزار ہیں کیونہ وہ ان کا پہلا میگا سیریل تھا۔اشنا نے واضح کیا کہ وہ خود کو ایک اداکار سجھتی ہیں اور اس صنعت میں ہیروئن بننے نہیں آئی تھی۔ بطور اداکار ان کا کام ہے کہ وہ مختلف قسم کے کردار نبھائیں اور وہ یہی کرنا چاہتی ہیں کیونکہ انہیں مزہ ہی تب آتا ہے۔

اشنا شاہ نے ایک فلم ’تیری میری لو اسٹوری ‘ میں کام کیا تھا، اس کے بعد انہوں نے ’پنجاب نہیں جاو¿ں گی‘ میں ایک کلب ڈانس نمبر کیا تھا، اس کے علاوہ انہوں نے کوئی فلم نہیں کی۔ اس بارے میں جب اشنا سے استفسار کیا گیا تو انہوں نے ہنستے ہوئے کہا کہ سٹیون اپیلبرگ (ہالی وڈ) سے فون آتا رہتا ہے مگر ابھی انہیں انتظار کروا رہی ہوں۔

فلموں میں آئٹم نمبر سے متعلق اشنا شاہ نے کہا کہ وہ اس کے ہرگز خلاف نہیں ہیں۔ ’میں چاہتی ہوں کہ اگر میں کسی فلم میں آئٹم نمبر کروں تو وہ بہت اچھا ہو‘۔اشنا شاہ نے مزید کہا کہ اب تک پاکستان میں بہت اچھے اور گلیمرس آئٹم نمبر ہوچکے ہیں تو میں اپنے پارٹی ڈانس نمبر کا موازنہ ان سے نہیں کرنا چاہتی۔ان کا کہنا تھا کہ وہ ان فلموں میں کام کرنا چاہتی ہیں جہاں چیلنجنگ کردار ہو اور جن میں انہیں اداکاری دکھانے کا بھرپور موقع ملے۔

Leave a Reply

Your email address will not be published. Required fields are marked *